పేజర్ లీక్ వ్యవహారంలో ఎవర్నీ వదలబోం,,, వీటన్నింటి వెనకాల బీజేపీ కుట్రదాగివుంది,,, మీ స్వార్థరాజకీయాల కోసం విద్యార్థుల జీవితాలతో చెలగాటమాడుతారా,,, విద్యాశాఖ మంత్రి సబితా ఇంద్రారెడ్డి

 పేజర్ లీక్ వ్యవహారంలో ఎవర్నీ వదలబోం

వీటన్నింటి వెనకాల  బీజేపీ కుట్రదాగివుంది

మీ స్వార్థరాజకీయాల కోసం విద్యార్థుల జీవితాలతో చెలగాటమాడుతారా

విద్యాశాఖ మంత్రి సబితా ఇంద్రారెడ్డి

(జానో జాగో వెబ్  న్యూస్-మహేశ్వరం ప్రతినిధి) 

టీఎస్పీఎస్సీ పేపర్ లీకేజీ  కేసులో ఎంతటివారున్న వదలబోమని  విద్యాశాఖ మంత్రి సబితా ఇంద్రా రెడ్డి స్పష్టంచేశారు. ఈ వ్యవహారం నుంటి మొదలుకొని ఇప్పుడు టెన్త్ పరీక్షల ప్రశ్నా పత్రాలు బయటికి వస్తున్న వ్యవహారం వరకు అన్నింటిలో బీజేపీ కుట్ర దాగుందని ఆమె ఆరోపించారు. వరుసగా పేపర్లు బయటకు వస్తున్న నేపథ్యంలో వికారాబాద్‌లో మంత్రి సబితా ఇంద్రా రెడ్డి మీడియాతో మాట్లాడారు. రాష్ట్రంలో కేసీఆర్ ప్రభుత్వాన్ని అప్రతిష్టపాలు చేయాలనే నేపంతోనే పేపర్ లీకేజీలు చేస్తున్నారని ఆరోపించారు. కేంద్రంలోని బీజేపీ పెద్ద పర్యవేక్షణలోనే రాష్ట్ర అధ్యక్షులు బండి సంజయ్ కుట్ర చేస్తున్నారని కీలక వ్యాఖ్యలు చేశారు. స్వార్థ రాజకీయాల కోసం ఐదు లక్షల మంది విద్యార్థుల జీవితాలతో చెలగాటం అడుగుతారా అంటూ ప్రశ్నించారు.

అటు టీఎస్పీఎస్సీ పేపర్ లీకేజీ వ్యవహారంలో రాజశేఖర్‌కు బీజేపీతో సంబంధాలున్నాయని.. వికారాబాద్ జిల్లా తాండూరులో పదో తరగతి తెలుగు ప్రశ్నా పత్రం లీక్ చేసిన టీచర్ కూడా బీజేపీ అనుబంధ సంఘం సభ్యుడని.. ఇప్పుడు హిందీ ప్రశ్నా పత్రాన్ని సోషల్ మీడియాలో వైరల్ చేసిన ప్రశాంత్‌కు నేరుగా బండి సంజయ్‌తోనే సంబంధం ఉందంటూ ఆరోపించారు. అయితే.. ప్రభుత్వాన్ని అప్రతిష్టపాలు చేయాలనుకునేవారు ఎంతటి వారైనా ఉపేక్షించేది లేదని మంత్రి సబితా ఇంద్రారెడ్డి తెలిపారు.టెన్త్ హిందీ ప్రశ్నా పత్రం బయటకు వచ్చిన కేసులో బీజేపీ రాష్ట్ర అధ్యక్షుడు బండి సంజయ్‌పై పోలీసులు కేసు నమోదు చేశారు.

మంగళవారం అర్ధరాత్రి పూట బీజేపీ రాష్ట్ర అధ్యక్షుడు బండి సంజయ్‌ కుమార్‌ను పోలీసులు అరెస్ట్ చేసి... బొమ్మల రామారం పోలీస్ స్టేషన్‌కు తీసుకెళ్లారు. అనంతరం.. పాలకుర్తిలో ఆరోగ్య పరీక్షలు నిర్వహించిన అనంతరం.. వరంగల్‌‌ కోర్టులో సంజయ్‌ను హాజరపర్చేందుకు తీసుకెళ్లారు.  హిందీ ప్రశ్నా పత్రం బయటకు రావటమే కాకుండా.. ఆ తర్వాత జరిగిన ప్రచారం వ్యవహారంలో బండి సంజయ్ హస్తం ఉన్నట్లు పోలీసులు గుర్తించారు. అయితే.. ఇందులో ప్రధానంగా వ్యవహరించిన ప్రశాంత్‌తో ముందు రోజునే బండి సంజయ్ వాట్సప్‌ చాట్ చేసినట్టు బయటపడింది. పరీక్షా పత్రం షేర్ చేసిన సమయంలో వందకు పైగా కాల్స్ మాట్లాడినట్టు గుర్తించారు. దీంతో.. ఈ ప్రశ్నా పత్రాల లీకేజీ వ్యవహారం.. ఉద్దేశపూర్వకంగానే చేసినట్లు పోలీసులు భావిస్తున్నారు.