మంత్రి అయినా సాదాసీదా మనిషిగా


(జానో జాగో వెబ్ న్యూస్-సెంట్రల్ డెస్క్)

మంత్రి అయినా ఆ పాఠశాలలో హోదానుపక్కనెట్టారు..దర్పం ప్రదర్శించకుండా నడిచారు. ఆంధ్రప్రదేశ్ విద్యాశాఖ మంత్రి ఆదిమూలపు సురేష్ శుక్రవారం గుంటూరు జిల్లా వినుకొండలోని గురుకుల పాఠశాలల్లో తనిఖీలు నిర్వహించారు. షెడ్యూల్ ప్రకారం బాలయోగి గురుకుల పాఠశాల సందర్శనకు వెళ్లాల్సిన మంత్రి సురేష్.. నేరుగా అక్కడికి వెళ్లకుండా కస్తూర్బా గాంధీ బాలికా విద్యాలయంలో ఆఖస్మిక తనిఖీ చేశారు. ఆ తరవాత బాలయోగి గురుకుల పాఠశాలను సందర్శించారు. కస్తూర్బా గాంధీ బాలికా విద్యాలయంలో ఆకస్మిక తనిఖీ చేసిన మంత్రి.. అక్కడి వసతులను పరిశీలించి సంతృప్తి వ్యక్తం చేశారు. విద్యార్థినులతో కలిసి భోజనం చేసిన సురేష్.. ప్లేటును కూడా స్వయంగా కడిగారు. భోజనం చాలా బాగుందంటూ కితాబిచ్చారు. భోజనం తయారుచేసిన వంట సిబ్బందితో మాట్లాడారు. వంట గదిని పరిశీలించారు. అంతకు ముందు తరగతి గదులను పరిశీలించి విద్యాబోధన తీరును పిల్లలను అడిగి తెలుసుకున్నారు. విద్యార్థినులతో కాసేపు ముచ్చటించిన మంత్రి సురేష్.. వారిని కొన్ని ప్రశ్నలు అడిగారు. ఈ ఆకస్మిఖ తనిఖీలో మంత్రి సురేష్‌తో పాటు ఎమ్మెల్యే బొల్లా బ్రహ్మనాయుడు, ఆర్జేడి సుబ్బారావు, డీఈఓ గంగాభవాని పాల్గొన్నారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: