సంవత్సరాలు దాటినా...ఆ లేఖ మాత్రం చేరలేదు


(జానో జాగో వెబ్ న్యూస్-సెంట్రల్ డెస్క్)

ఓ లేఖ సరైన చిరునామా చేరలేదు. ఉత్తరాలు అంటేనే ఆలస్యంగా చేరుతాయని అందరికి తెలుసు. ఇప్పుడంటే ఫోన్ల రాకతో ఉత్తరాలను రాసుకోవడం లేదు. కానీ.. ఒకప్పుడు ఒకరి క్షేమ సమాచారాలను తెలియజేయడానికి, తెలుసుకోవడానికి కూడా ఉత్తరాలు రాసుకునేవాళ్లు. ఒక్కోసారి ఆ ఉత్తరాలు చాలా లేట్‌గా అవతలి వారికి చేరేవి. అమెరికాలో కూడా ఓ అలాగే లేట్‌గా చేరాల్సిన ప్లేస్‌కు చేరింది. ఎంత ఆలస్యం అంటే రాసినవారు లేరు.. తీసుకోవాల్సిన వారు లేరు. ఆ లెటర్ ఓ సైనికుడు తన తల్లికి రాసినది. సెకండ్ వరల్డ్ వార్ ముగిసిన రోజుల్లో అమెరికాకు చెందిన ఆర్మీ సైనికుడు జాన్ గోన్సల్వేస్ జర్మనీలో ఉండేవారు. అప్పుడు ఆయన మసాచుసెట్స్ రాష్ట్రం వోబర్న్లో ఉండే తన తల్లికి ఒక ఉత్తరం రాశారు. 1945 డిసెంబర్‌లో తన తల్లి యోగ క్షేమాలను కోరుతూ లెటర్ రాశారు. డియర్ మామ్ అని సంభోంధిస్తూ ఉన్నఆ లెటర్‌లో జాన్ తన క్షేమం గురించి తెలియజేస్తూ.. త్వరలో కలుస్తానంటూ రాశారు. కానీ ఆ ఉత్తరం జాన్ తల్లికి చేరలేదు. జాన్ పంపించిన ఆ లేఖ 76 ఏళ్లుగా పిట్స్బర్గ్లోని యూఎస్ పోస్టల్ సర్వీస్ డిస్ట్రిబ్యూషన్ ఫెసిలిటీ కేంద్రంలోనే ఉండిపోయింది. ఇన్నేళ్లుగా ఉత్తరాన్ని ఎవరూ చూడలేదు. ఆ ఉత్తరం పంపించిన జాన్ 2015లో చనిపోయారు. అప్పటికే అతని తల్లి కూడా మృతి చెందారు. అయితే.. యూఎస్పీస్ ఉద్యోగులు ఇటీవల ఈ లెటర్‌ను గుర్తించి.. జాన్ సతీమణి ఏంజెలీనాకు (89) పంపించారు. ఈ లెటర్‌ను అందుకున్న ఏంజెలీనా చాలా ఆశ్చర్యపోయారు. ఇది నమ్మలేకపోతున్నానని, అందులో ఆ లెట్‌ను చూస్తోంటే జాన్ తనతో ఉన్నట్టు అనిపిస్తోందంటూ సంతోష పడ్డారు. పైగా లెటర్‌ను పంపించినందుకు సంబంధిత ఉద్యోగులకు ధన్యవాదాలు కూడా చెప్పారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: