కజికిస్థాన్‌లో ఉవ్వెత్తున ప్రజా నిరసనలు


(జానో జాగో వెబ్ న్యూస్-సెంట్రల్ డెస్క్)

కడుపు మండింది...ప్రజలు రోడ్డెక్కారు..ఉద్యమం కాస్త రక్తసిక్తతకు దారి తీసింది. ఎల్పీజీ ధరల పెంపుకు వ్యతిరేకంగా కజికిస్థాన్‌లో చేపట్టిన నిరసనలు హింసాత్మకంగా మారి చాలా మంది ప్రాణాలు కోల్పోయారు. మృతుల్లో నిరసనకారులతో పాటు పోలీసులు కూడా ఉన్నారు. చములు ధరలు పెరగడంతో ఆగ్రహానికి గురైన ప్రజలు తొలుత అల్మాటీ నగరంలో మేయర్ భవనాలకు, అధ్యక్ష భవనాలకు నిప్పంటించారు. తర్వాత ఈ ఆందోళనలు దేశమంతటా వ్యాపించాయి. ఈ ఆందోళనల్లో పదుల సంఖ్యలో నిరసనకారులు చనిపోగా... 353 మంది గాయపడ్డారు. గాయపడిన వారిలో చాలామంది ఐసీయూలో చికిత్స పొందుతున్నారు. ఆందోళనలను అదుపు చేయడానికి పోలీసులు ప్రయత్నించగా వారు కూడా ప్రాణాలు కోల్పోయారు. ఇందులో ఓ పోలీస్ అధికారిని తల నరికి చంపేశారు. ఈ ఘటర్షణలను అదుపులోకి తెచ్చేందుకు ప్రభుత్వం కీలక నిర్ణయం తీసుకుంది. అదనపు భద్రతా బలగాలను సమకూర్చాలని కోరుతూ దేశాధ్యక్షుడు ఖాసిమ్ జోమార్ట్ టోకాయేవ్.. రష్యా నేతృత్వంలోని సీఎస్‌టీవోకి విజ్ఞప్తి చేశారు. దీంతో రష్యా దళాలు అక్కడకు చేరుకున్నాయి. అంతేకాదు ఘర్షణలు జరుగుతోన్న అల్మాటీ, మాంగిస్టౌ ప్రావిన్స్‌ ప్రాంతాల్లో ప్రభుత్వం జనవరి 19 వరకు అత్యవసర పరిస్థితి విధించింది. ఇంటర్నెట్‌ సర్వీసులను నిలిపివేసింది. అలాగే ఆదివారం వరకు టర్కీ , కజికిస్థాన్‌ మధ్య అన్ని ఫ్లైట్లను నిలిపివేసినట్టు టర్కీ ఎయిర్‌లైన్స్ ప్రకటించింది. కజికిస్థాన్‌ ప్రజలు ఎల్పీ‌జీ గ్యాస్‌ని ఎక్కువగా కార్లలో వినియోగిస్తారు. అయితే ఎలక్ట్రానిక్ వాహనాలను వినియోగాన్ని పెంచాలనే ఉద్దేశంతో అక్కడి ప్రభుత్వం చమురు ధరలపై సబ్సిడీలను ఎత్తేసింది. దాంతో ధరలు పెరిగాయి. ధరల పెంపుకు నిరసనగా ప్రజలు గత ఆదివారం నుంచి నిరసనలకు దిగారు. కాగా 1991‌లో సోవియట్ యూనియన్ నుంచి విడిపోయిన కజికిస్థాన్‌ అప్పటి నుంచి ఒకే పార్టీ పాలనలో ఉంది.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: