దేనికైనా సై


(జానో జాగో వెబ్ న్యూస్-హైదరాబాద్ బ్యూరో)

టీఆర్ఎస్ తో తాడోపేడో తేల్చుకోవడానికి తాను సిద్దమని బీజేపీ రాష్ట్ర అధ్యక్షుడు బండి సంజయ్ స్పష్టంచేశారు. ఉద్యోగ బదిలీలకు సంబంధించి తెలంగాణ ప్రభుత్వం విడుదల చేసిన 317 జీవో సవరించాలని డిమాండ్ చేస్తూ పోరుబాట పట్టిన ఆయన మరోమారు కేసీఆర్ సర్కార్‌పై నిప్పులు చెరిగారు. సకల జనుల సమ్మె చేసి తెచ్చుకున్న తెలంగాణ ఎవరికోసమని ఆయన ప్రశ్నించారు. ప్రభుత్వం విడుదల చేసిన జీవో పుణ్యమాని ఈరోజు కరీంనగర్‌లో పనిచేసే కానిస్టేబుల్ మహబూబ్‌నగర్‌లో పనిచేయాల్సిన పరిస్థితి దాపురించిందన్నారు. నల్గొండలో పనిచేసే టీచర్, ఏఎస్సై, ఎస్సై ఆదిలాబాద్ జిల్లాకు పోవాల్సి వస్తోందని ఆగ్రహం వ్యక్తం చేశారు. సీనియారిటీ జాబితా మొత్తం తప్పుల తడక అని బండి సంజమ్ మండిపడ్డారు. తమ వద్ద ఆధారాలున్నాయని ఆయన అన్నారు. ఒక పద్ధతి, ప్రణాళిక లేకుండా ఉద్యోగులు, ఉపాధ్యాయులకు ఇబ్బందులకు గురిచేస్తున్నారన్నారు. కేసీఆర్‌కి మీ నాయకుల భరతం పట్టాలని ఉద్యోగులకు సూచించారు. ‘‘మీరు ఉద్యమం చేసినా చేయకపోయినా మీ తరఫున ఉద్యమం చేయడానికి సిద్ధంగా ఉన్నాం. మీ కోసం లాఠీ దెబ్బలు తిన్నం. జైళ్లకు పోయినం. శాశ్వతంగా జైళ్లకు వెళ్లేందుకు కూడా భారతీయ జనతా పార్టీ కార్యకర్తలుగా సిద్ధంగా ఉన్నాం’’ అని బండి సంజయ్ అన్నారు. ఉద్యోగులు పిడికిలి బిగించి బయటకు రావాలని ఆయన పిలుపునిచ్చారు. ఆనాడు ఉద్యోగులు, ఉపాధ్యాయులు పిడికిలి బిగించి, గర్జించి సకల జనుల సమ్మె చేస్తే తెలంగాణ సాధించుకున్నామని సంజయ్ అన్నారు. నేడు ముఖ్యమంత్రి కేసీఆర్ వాళ్లనే ఇబ్బంది పెడుతున్నాడని మండిపడ్డారు. ఉద్యోగ, ఉపాధ్యాయ వర్గాలు అధైర్యపడొద్దని.. తాము అండగా ఉంటామని ఆయన భరోసానిచ్చారు. ఈ ముఖ్యమంత్రి స్పందించకపోయినా 2023లో మనందని బీజేపీ ప్రభుత్వం అధికారంలోకి వస్తుందని.. అప్పుడు జీవో రద్దు చేయించి సొంత ఊళ్లలోనే ఉద్యోగాలు చేసుకునే పరిస్థితి కల్పిస్తామని ఆయన హామీ ఇచ్చారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: