పురపాలక ఎన్నికల్లో...

వైఎస్ఆర్సీపీ అభ్యర్థులను గెలిపించండి

నంద్యాల వైద్యులు

సంఘీభావం తెలుపుతున్న వైద్యులు 

(జానోజాగో వెబ్ న్యూస్-కర్నూలు జిల్లా ప్రతినిధి)

త్వరలో జరగనున్న పురపాలక సంస్థల ఎన్నికలలో నంద్యాల పార్లమెంట్ పరిధిలో వైఎస్ఆర్సిపి తరపున పోటీ చేస్తున్న అభ్యర్థులను భారీ మెజారిటీతో గెలిపించవలసినదిగా వైఎస్సార్సీపీ నంద్యాల వైద్యుల విభాగం విజ్ఞప్తి చేసింది. శనివారం మధుమణి నర్సింగ్ హోమ్ సమావేశ భవనంలో వైయస్సార్సిపి నాయకులు డాక్టర్ రవికృష్ణ ఆధ్వర్యంలో నిర్వహించిన పాత్రికేయుల సమావేశంలో వైద్యులు మధుసూదనరావు, రాకేష్ రెడ్డి, హరినాథ్ రెడ్డి, వినోద్, భార్గవ్ వర్ధన్ రెడ్డి, అనిల్, బెక్కెం సుబ్బారెడ్డి,  నిరంజన్ రెడ్డి, నెట్ల మహేశ్వర్ రెడ్డిలు పాల్గొన్నారు. ఈ సందర్బంగా వారు మాట్లాడుతూ...
వైయస్సార్సిపి ప్రభుత్వం ముఖ్యమంత్రి వై.యస్. జగన్మోహన్ రెడ్డి  నేతృత్వంలో అమలు చేస్తున్న సంక్షేమ పథకాలు, అభివృద్ధి పనులు చూసి స్థానిక సంస్థల అభ్యర్థులను గెలిపించి ప్రభుత్వానికి మద్దతు ఇవ్వాల్సిందిగా కోరారు. ముఖ్యంగా వైయస్సార్ ఆరోగ్యశ్రీ  పథకంలో గతంలో లేనివిధంగా అనేక రకాల జబ్బులను చేర్చడం వల్ల పేద ప్రజలకు ఎంతో మేలు జరుగుతుందన్నారు. చికిత్స పూర్తి అయిన తర్వాత విశ్రాంతి సమయంలో కూడా అవసరమైన ఆర్థిక సహకారం అందించడం రోగులకు కోలుకోవడానికి ఉపకరిస్తుందన్నారు. ప్రభుత్వ ఆసుపత్రుల అభివృద్ధి, రాష్ట్ర వ్యాప్తంగా అనేక  నూతన వైద్య కళాశాలల ప్రారంభం ప్రజలకు వైద్యపరంగా ఎంతో మేలు చేస్తుందన్నారు. నంద్యాల ఎంపి పోచ బ్రహ్మానంద రెడ్డి, ఎమ్మెల్యే  శిల్పారవిచంద్రకిషోర్ రెడ్డి నంద్యాల అభివృద్ధి కోసం విశేషంగా కృషి చేస్తున్నారన్నారు. మార్చి పదవ తారీఖున జరిగే పురపాలక ఎన్నికలలో వైఎస్ఆర్సిపి అభ్యర్థులకు ఓటు వేసి గెలిపించి పట్టణ అభివృద్ధికి మద్దతు తెలుపవలసినదిగా అన్ని వర్గాల ప్రజలకు వైద్యులు విజ్ఞప్తి చేశారు.

Axact

Axact

Vestibulum bibendum felis sit amet dolor auctor molestie. In dignissim eget nibh id dapibus. Fusce et suscipit orci. Aliquam sit amet urna lorem. Duis eu imperdiet nunc, non imperdiet libero.

Post A Comment:

0 comments: