నిష్పక్షపాతంగా వార్తలు అందించాలి... నేషనల్ ఉమెన్స్ పార్టీ కర్నూలు జిల్లా అధ్యక్షురాలు హసీనా బేగం

నిష్పక్షపాతంగా వార్తలు అందించాలి

నేషనల్ ఉమెన్స్ పార్టీ కర్నూలు జిల్లా అధ్యక్షురాలు హసీనా బేగం

(జానోజాగో వెబ్ న్యూస్-కర్నూలు ప్రతినిధి)

వార్త పత్రికా సంస్థ ఆధ్వర్యంలో ముత్యాల ముగ్గుల పోటీలు ఏ క్యాంప్ లోని మాంటిస్సోరి స్కూల్ లో జరిగాయి. ఈ పోటీలో పెద్ద సంఖ్యలో మహిళలు పిల్లలు పెద్దలు పాల్గొన్నారు. ఈ ముగ్గుల పోటీ లకు ముఖ్య అతిథులుగా భాగ్యమతి, నేషనల్ ఉమెన్స్ పార్టీ కర్నూలు జిల్లా అధ్యక్షురాలు హసీనా బేగం పాల్గొని ఈ పోటీలలో గెలుపొందిన మహిళలకు మొదటి, ద్వితీయ, తృతీయ బహుమతులను బహూకరించారు. ఈ కార్యక్రమంలో నేషనల్ ఉమెన్స్ పార్టీ కర్నూలు జిల్లా అధ్యక్షురాలు హసీనా బేగం మాట్లాడుతూ ఈ సంక్రాంతి పండుగను ముందుగానే జరుపు కున్నందుకు  ఆనందం వ్యక్తం చేశారు.

అంతేకాకుండా ఈ కరోనా సమయం లో కూడా ఇంతమంది ప్రజలు పాల్గొని ఈ ముగ్గుల పోటీల ను విజయవంతం చేసిన వార్త పత్రిక కర్నూలు జిల్లా బ్యూరో రిపోర్టర్ బసవరాజు ను, ప్రకాష్ వారి సిబ్బంది అభినందించారు.  అంతేకాకుండా ఇలాంటి కార్యక్రమాలు ఎన్నో చేయాలని అలాగే  నిష్పక్షపాతంగా వార్తలు ప్రజలకు అందజేయాలని ఆమె వారిని కోరారు. ఈ కార్యక్రమంలో కర్నూలు జిల్లా నేషనల్ ఉమెన్స్ పార్టీ జిల్లా అధ్యక్షురాలు హసీనా బేగం, జిల్లా జనరల్ సెక్రెటరీ మున్ని, మేరీ తోపాటు స్టూడెంట్ యూత్ జనరల్ సెక్రెటరీ దివ్య, కార్యకర్తలు సిమ్రాన్, అనిత పాల్గొన్నారు.