భూసార నమూనాల సేకరణపై...
గడివేముల మండల స్థాయి శిక్షణ కార్యక్రమం....
వ్యవసాయ శాఖ అధికారి హేమసుందర్ రెడ్డి
(జానో జాగో వెబ్ న్యూస్-నంద్యాల జిల్లా ప్రతినిధి)
నంద్యాల జిల్లా గడివేముల వ్యవసాయశాఖ సిబ్బందికి మట్టి నమూనాల సేకరణపై,భూమిలో పోషకాల ఆవశ్యకత, భూసార పరీక్షల ప్రాముఖ్యత,సమస్యత్మక నేలలు (చవుడు) - బాగుచేయుట,సమగ్ర సమతుల ఎరువుల గురించి ఆర్బికే సిబ్బందికి గడివేముల మండల వ్యవసాయశాఖ అధికారి హేమసుందర్ రెడ్డి శిక్షణ కార్యక్రమాన్ని నిర్వహించారు.ఈ సందర్బంగా ఆర్బీకే సిబ్బందితో మాట్లాడుతూ రైతుల నుండి సేకరించిన మట్టి నమూనాలో కనుగొనబడే లక్షణాలు - నేల రంగు, స్వభావము,రకము,రుచి, ఉదజని సూచిక,లవణ శాతము,సేంద్రియ కర్బనము మరియు ముఖ్య పోషకాలైన నత్రజని,భాస్వరం, పొటాషియం పంటలకు ఎంత వరకు అందుతున్నాయో తెలుసుకొని రైతుసోదరులకు తెలుపవచ్చని,భూమిలో పోషకాలు తక్కువగా ఉన్నట్టయితే రైతులు 30% ఎరువులు అదనంగా పంటభూములకు
అందించవలసి ఉంటుందని,రైతు సోదరులందరూ ఆర్బికే సిబ్బందిని సంప్రదించి ప్రతి 5 ఏకరాలలో మట్టి నమూనాలను తమ పొలాలలో సేకరించి భూసార పరీక్షలు చేయించుకోని అధిక దిగుబడులు పొందాలని తెలిపారు.
Share To:
Post A Comment:
0 comments: