శ్రీ శ్రీ మూల పెద్దమ్మ జాతరకు అన్ని ఏర్పాట్లు పూర్తి ,,,,, గడివేముల ఆలయ అధికారి సీతా మోహన్

 శ్రీ శ్రీ మూల పెద్దమ్మ జాతరకు అన్ని ఏర్పాట్లు పూర్తి

 గడివేముల ఆలయ అధికారి సీతా మోహన్

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా గడివేముల మండల పరిధిలో అత్యంత ప్రతిష్టాత్మకంగా జరిగే శ్రీ శ్రీ శ్రీ మూల పెద్దమ్మ ఆలయంలో భక్తులకు ఏలాంటి అసౌకర్యాలు కలవకుండా అన్ని ఏర్పాట్లు పూర్తి చేశామని ఆలయ అధికారి సీతా మోహన్ తెలిపారు. ఈ సందర్భంగా ఆయన మాట్లాడుతూ శ్రీశ్రీశ్రీ మూల పెద్దమ్మ ఆలయంలో 23 వతేదీ ఆకు పూజ, కుంకుమార్చన మరియు సాయంకాలం4:00 గంటల సమయం నుండి బోనకుండలతో భక్తులు అమ్మవారిని దర్శనం చేసుకుంటారని, దర్శనానికి విచ్చేసిన మహిళలకు మరియు పురుషులకు ప్రత్యేక క్యూ లైన్లు ఏర్పాటు చేశామని ఆయన వెల్లడించారు.

సాంస్కృతిక కార్యక్రమాల్లో భాగంగా రాత్రి 9:00 గంటల సమయం నుండి కర్నూలు వారిచే సాంస్కృతి కార్యక్రమాలు ( ఆర్కెస్ట్రా ) నిర్వహిస్తున్నామని, 24వ తేదీన ఉదయం 10:00 గంటలకు గుండు, తాడులాగు పందెములు మరియు స్లో బైక్ రేస్లు ఉంటాయని ఆయన తెలిపారు.

ఏపీఎస్ఆర్టీసీ, పోలీస్ సిబ్బంది వారి సహకారంతో గడివేములకు విచ్చేయు భక్తులకు ప్రత్యేక బస్సు సర్వీసులను ఏర్పాటు చేశామని తెలిపారు. ఈ కార్యక్రమంలో ఆలయ చైర్మన్ చిన్నన్న, ఆలయధర్మకర్తల మండలి సభ్యులు పాల్గొన్నారు.