మోడీ సర్కార్ అభివృద్ధి సంస్కరణల వల్లే,,, ఈశాన్య భారతంలో బీజేపీకి మళ్లీ పట్టం-- బీజేపీ రాష్ట్ర నాయకులు బుక్క వేణుగోపాల్

 మోడీ సర్కార్ అభివృద్ధి సంస్కరణల వల్లే 

ఈశాన్య భారతంలో బీజేపీకి మళ్లీ పట్టం

బీజేపీ రాష్ట్ర నాయకులు బుక్క వేణుగోపాల్

(జానో జాగో వెబ్ న్యూస్-రాజేంద్రనగర్ ప్రతినిధి)

మోడీ సర్కార్ చేప్టటిన అభివృద్ధి సంస్కరణల వల్లే ఈశాన్య భారత దేశం మళ్లీ బీజేపీకి విజయాన్ని అందించిందని బీజేపీ తెలంగాణ రాష్ట్ర నాయకులు బుక్క వేణుగోపాల్ వెల్లడించారు. భారత రాజకీయాల్లో ఈశాన్య రాష్ట్రాలు నాగాలాండ్, త్రిపురలలో బీజేపీ, దాని మిత్రపక్షాలకు మరోసారి విజయాన్ని అందించిన చారిత్రాత్మక రోజు ఈ రోజు అని ఆయన పేర్కొన్నారు. నాగాలాండ్, త్రిపుర ప్రజలు తమ ప్రాంతీయ స్థాయి, మతం కులాలతో సంబంధం లేకుండా మోడీ ప్రభుత్వ అభివృద్ధి కార్యక్రమాల ఆధారంగా ముందుకు వచ్చి బిజెపికి ఓటు వేయడం పట్ల బుక్కా వేణుగోపాల్ హర్షం వ్యక్తం చేశారు.

నరేంద్ర మోదీ యొక్క  వ్యక్తిత్వం, ఆయన ప్రజల-కేంద్రీకృత అభివృద్ధి సంస్కరణలు ఈశాన్య భారత ప్రజలపై శాశ్వత ప్రభావాన్ని చూపాయన్నారు. ఈశాన్య భారతానికి గుర్తింపు రావడమే కాకుండా మొత్తం రాష్ట్ర అభివృద్ధి విషయంలో ఇతర రాష్ట్రాలకు గట్టి పోటీ ఇస్తోందని బుక్క గోపాల్ సంతోషం వ్యక్తం చేశారు. కాంగ్రెస్ పాలన దశాబ్దాలుగా ఈశాన్య రాష్ట్రాలను తీవ్రంగా నిర్లక్ష్యం చేసింది, కానీ మోడీ ప్రభుత్వంలో వారు ఇప్పుడు భారతీయులుగా గర్వపడుతున్నారని ఆయన పేర్కొన్నారు. భారతదేశంలోని సగం రాష్ట్రాలు బిజెపి పాలనను ఆరాధిస్తున్నందున, భారతదేశంలోని ప్రతి రాష్ట్రం రాబోయే భవిష్యత్తులో బిజెపిని అధికారంలోకి తీసుకురావాలని కోరుకుంటోంది. బుక్క వేణుగోపాల్ వెల్లడించారు.