నా కుమారుడి వేధింపుల నుంచి నా కుమార్తెలను కాపాడండి

 నా కుమారుడి వేధింపుల నుంచి నా కుమార్తెలను కాపాడండి

నా కుమారుడి వేధింపుల నుంచి నా కుమార్తెలను కాపాడండి అంటూ డాక్టర్ బీఆర్ అంబేద్కర్ కోనసీమ జిల్లా అమలాపురంలో మాజీ ఎమ్మెల్యే భార్య వెంకటలక్ష్మి ఎస్పీకి సొంత కొడుకుపై ఫిర్యాదు చేశారు. తమ కుమారుడు పులపర్తి రవిబాబు వేధింపుల నుండి తనను, తన నలుగురు కుమార్తెలను కాపాడాలని జిల్లా ఎస్పీని కోరారు. భర్త చనిపోయిన వెంటనే తన దగ్గర ఉన్న కారు తీసుకువెళ్లిపోయారని ఆరోపించారు. తనను తన కుమార్తెలను మానసికంగా వేధిస్తున్నారని.. పి గన్నవరం పోలీసులకు ఫిర్యాదు చేసినా పట్టించుకోలేదని ఎస్పీకి కంప్లైంట్ చేశారు.. దీంతో వాళ్లు ఆరా తీస్తున్నారు. పి.గన్నవరం మాజీ ఎమ్మెల్యే దివంగత పులపర్తి నారాయణ మూర్తి భార్య పులపర్తి వెంకటలక్ష్మి. నారాయణమూర్తి ఇటీవల కన్నుమూశారు.

డాక్టర్ బీ అంబేద్కర్ కోనసీమ జిల్లా పీ గన్నవరం మాజీ ఎమ్మెల్యే పులపర్తి నారాయణ మూర్తి ఈ ఏడాది జులైలో ప్రాణాలు కల్పోయారు. తీవ్ర అనారోగ్యంతో ఆస్పత్రిలో చేరిన ఆయన కన్నుమూశారు. నారాయణమూర్తి గతంలో టెలిఫోన్‌ డిపార్ట్‌మెంట్‌లో ఉద్యోగి కాగా.. తర్వాత రాజకీయాల్లోకి అడుగు పెట్టారు. 1996లో జరిగిన ఉప ఎన్నికలో నగరం నుంచి టీడీపీ తరఫున పోటీ చేసి ఎమ్మెల్యేగా గెలుపొందారు. 2004లో నగరం అసెంబ్లీ నియోజకవర్గం నుంచి పోటీ సీటు దక్కకపోవడంతో ఇండిపెండెంట్‌గా పోటీచేసినా ఓడారు.

2014లో పీ.గన్నవరం నియోజకవర్గం నుంచి టీడీపీ తరపున పోటీచేసి ఎమ్మెల్యేగా విజయం సాధించారు. 2019 ఎన్నికల్లో ఆయనకు టీడీపీ టికెట్ దక్కకకపోవడంతో వైఎస్సార్‌సీపీలో చేరాలని భావించారు.. జగన్ సమక్షంలోనే కండువా కప్పించుకునేందుకు వెళ్లి వెనక్కు వచ్చేశారు. అనంతరం పరిణామాలతో నారాయణమూర్తి బీజేపీలో చేరారు. అయితే భర్త మరణం తర్వాత తన కుమారుడు వేధిస్తున్నాడని మాజీ ఎమ్మెల్యే భార్య ఆరోపిస్తున్నారు.