మూడు రాజధానులకు మద్దతుగా..

నంద్యాలలో సీమగర్జన పేరుతో విద్యార్థి సంఘాల భారీ ర్యాలీ

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా విద్యార్థి సంఘాలు మరియు విద్యార్థులు దాదాపు 3,000 మంది భారీ ర్యాలీ నిర్వహించారు. ఈ సందర్భంగా విద్యార్థి సంఘం నాయకులు మాట్లాడుతూ కర్నూలులో న్యాయ రాజధాని అడ్డుకుంటున్న చంద్రబాబుకు రాయలసీమలో రాజకీయంగా సమాధి కడుతామని, రాయలసీమ విద్యార్థి యువజన సంఘాల జేఏసీ చైర్మన్లు శ్రీరాములు, రాజు నాయుడు, చంద్రప్ప హెచ్చరించారు.


నంద్యాలలో స్థానిక సంజీవ నగర్ గేటు నుంచి శ్రీనివాససెంటర్ వరకు రాయలసీమ గర్జన పేరుతో భారీ ర్యాలీ నిర్వహించారు. పెద్ద ఎత్తున నినాదాలు చేసి అనంతరం వైస్సార్ విగ్రహానికి పూలమాల వేసి నివాళులు అర్పించారు. ఈ సందర్బంగా రాయలసీమ విద్యార్థి యువజన సంఘాల జేఏసీ చైర్మన్లు శ్రీరాములు, రాజు నాయుడు, చంద్రప్ప , జేఏసీ నేతలు వేణుమాధవ్ రెడ్డి, వెంకట్, రవీంద్ర, ప్రతాప్ , వెంకటేష్ , నేతలు  అమృతరాజు , జాకీర్ హుస్సేన్  లు మాట్లాడుతూ పరిపాలన వికేంద్రీకరణ తోనే రాష్ట్రము అభివృద్ధి చెందుతుందని గత ప్రభుత్వం హయాంలో మాజీ ముఖ్యమంత్రి చంద్రబాబు నాయుడు రాయలసీమను, ఉత్తరాంధ్రను విస్మరించి కేవలం అమరావతిలో రాజధాని ఏర్పాటు చేసి వేలకోట్ల రూపాయలు ఖర్చు చేశారని,


ముఖ్యమంత్రి వైఎస్ జగన్ మోహన్ రెడ్డి  అన్నీ ప్రాంతాలు అభివృద్ధి చెందాలని మరోసారి ఆంధ్రప్రదేశ్ విడిపోకుండా ఉండాలంటే మూడు ప్రాంతాల్లో రాజధానులు ఏర్పాటు గుర్తించి ఏర్పాటు చేస్తే చంద్రబాబు దాన్ని అడ్డుకోవడం చాలా దుర్మార్గం అని అన్నారు. చంద్రబాబు అమరావతి జపం చేస్తూ కర్నూలులో న్యాయ రాజధాని అడ్డుకుంటూ రాయలసీమ కు అన్యాయం చేస్తే చంద్రబాబుకు రాజకీయంగా సమాధి తప్పదు అని హెచ్చరించారు.

కర్నూలులో న్యాయ రాజధాని ఏర్పాటు చేసేంతవరకు పోరాటం సాగిస్తామన్నారు. ఈ కార్యక్రమంలో నేతలు బాలకృష్ణ నాయక్ , కేజే శ్రీనివాసరావు , నాగరాజు , చంద్ర , యశ్వంత్, విద్యార్థులు తదితరులు పాల్గొన్నారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: