నేడు...రేపు భారీ నుంచి అతి భారీ వర్షాలు


తెలంగాణ  ప్రాంతానికి భారీ వర్ష సూచన వచ్చింది. తెలంగాణలో భారీ వర్షాలు దంచికొడుతున్నాయి. ఝార్ఖండ్‌పై రెండురోజుల క్రితం ఏర్పడిన అల్పపీడనం మంగళవారం మధ్యప్రదేశ్‌పైకి విస్తరించగా... దీనికి అనుబంధంగా 5.8 కిలోమీటర్ల ఎత్తున గాలులతో ఉపరితల ఆవర్తనం కొనసాగుతోంది. బంగాళాఖాతంపై మరో ఉపరితల ఆవర్తనం 4.5 కిలోమీటర్ల ఎత్తున ఏర్పడింది. మరోవైపు తెలంగాణలో రుతుపవనాలు చురుగ్గా కదులుతున్నాయని వాతావరణ శాఖ వెల్లడించింది.

వీటి ప్రభావంతో బుధ, గురువారాల్లో తెలంగాణలోని అనేక చోట్ల భారీ నుంచి అతిభారీ వర్షాలు కురిసే అవకాశాలున్నాయని వాతావరణ శాఖ తెలిపింది. మంగళవారం ఉదయం 8 నుంచి రాత్రి 8 గంటల వరకూ రాష్ట్రవ్యాప్తంగా 526 ప్రాంతాల్లో వర్షపాతం నమోదైంది. సంగారెడ్డి జిల్లా కంగ్టిలో అత్యధికంగా 8.7 సెంటీమీటర్ల వర్షపాతం నమోదుకాగా... మహబూబ్‌నగర్ జిల్లా కొత్తమొల్గరలో 7.9, నల్గొండ జిల్లా డిండిలో 7.7, నాగర్ కర్నూల్ జిల్లా మంగాపూర్‌లో 7.5 సెం.మీ. వర్షం కురిసింది.

హైదరాబాద్‌ నగరాన్ని సైతం భారీ వర్షాలు అతలాకుతలం చేస్తున్నారు. గత మూడు నాలుగు రోజులుగా ఎక్కడోచోట వర్షం పడుతూనే ఉంది. సోమవారం మధ్యాహ్నం నుంచి అర్ధరాత్రి వరకు నగరమంతా వర్షం కురవగా.. మంగళవారం కూడా అదే సీన్ రిపీట్ అయింది. మధ్యాహ్నం వరకు వేసవిని తలపించేలా ఎండ ప్రతాపం చూపించగా.. 3 గంటల తర్వాత ఆకాశం మేఘావృతమై వర్షం కురిసింది. విడతల వారీగా అర్ధరాత్రి వరకూ వర్షం కురుస్తూనే ఉండటంతో ప్రజలు తీవ్ర ఇబ్బందులకు గురయ్యారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: