ఎస్టీ మహిళ ఆత్మహత్యాయత్నం

పోలీసుల దాస్టికం వల్లేనని ఆరోపణలు గుప్పించిన బంధువులు


(జానో జాగో వెబ్ న్యూస్- గడివేముల ప్రతినిధి)

గడివేముల మండల పరిధిలోని ఎల్ కె తాండకు చెందిన శోభారాణి భాయి అనే మహిళ ఆత్మహత్య యత్నానికి ప్రయత్నించింది. ఆమెపై పోలీసులు జులుం ప్రదర్శించారని, ఆ అవమానం తట్టుకోలేక ఆమె ఆత్మహత్యకు ప్రయత్నించిందని బాధితురాలి బంధువులు ఆరోపించారు. సారా కేసు విషయంలో రేషన్ డీలర్ గా పని చేస్తున్న బాధితురాలి ఇంటి నుంచి రేషన్ నిల్వల్ని స్వాధీనం చేసుకోవటానికి పోలీసు, రెవిన్యూ సిబ్బంది గ్రామానికి వెళ్లారు. కానీ నిబంధనలకు విరుద్ధంగా ఏఎస్ఐ వెంకటేశ్వర్లు, పీసీ తేజానందరెడ్డి, మరో మహిళా కానిస్టేబుల్ సహా శ్రీనివాసులు స్టాకును స్వాధీనం చేసుకునే క్రమంలో బాధితురాలితో నీచంగా ప్రవర్తించినట్లు ఆమె బంధువులు శివుడు నాయక్, గోబ్రియా నాయక్, శంకర్ నాయక్ తదితరులు ఆరోపించారు. దీంతో అవమాన భారంతో సదరు మహిళ పురుగుల మందు తాగి ఆత్మహత్యకు పాల్పడింది. ప్రస్తుతం గని గ్రామంలో చికిత్స పొందుతున్న ఆమె పరిస్థితి విషమంగా ఉందని సమాచారం. ఈ ఘటన నేపథ్యంలో పోలీసు అధికారుల తీరుపై సర్వత్రా విమర్శలు వెల్లువెత్తుతున్నాయి.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: