రా..రండి.. బ్రహ్మోత్సవాలకు...సీఎంను ఆహ్వానించిన మంత్రి వెల్లంపల్లి


శ్రీశైలం  బ్రహ్మోత్సవాలకు రావాల్సిందిగా ఆంధ్రప్రదేశ్ రాష్ట్ర ముఖ్యమంత్రి వై.ఎస్.జగన్మోహన్ రెడ్డిని మంత్రి వెల్లంపల్లి శ్రీనివాస్ ఆహ్వానించారు. మహా శివరాత్రి సందర్భంగా ప్రముఖ శైవక్షేత్రం శ్రీశైలంలో ఈ నెల 22 నుంచి మార్చి 4 వరకు బ్రహ్మోత్సవాలు నిర్వహించనున్నారు. 11 రోజుల పాటు సాగే ఈ వేడుకలకు శ్రీశైలంలోని భ్రమరాంబ మల్లికార్జున స్వామి క్షేత్రాన్ని రమణీయంగా ముస్తాబు చేస్తున్నారు. ఈ నేపథ్యంలో, శ్రీశైలం బ్రహ్మోత్సవాలకు రావాలంటూ ఏపీ సీఎం జగన్ ను రాష్ట్ర దేవాదాయ శాఖ మంత్రి వెల్లంపల్లి శ్రీనివాసరావు, ఆలయ ఈవో లవన్న ఆహ్వానించారు. మంత్రి వెల్లంపల్లి, ఆలయ ఈవో లవన్న నేడు తాడేపల్లి క్యాంపు కార్యాలయంలో సీఎం జగన్ ను కలిశారు. ఈ మేరకు ఆయనకు ఆహ్వాన పత్రిక అందజేశారు. ఈ సందర్భంగా అర్చకులు సీఎం జగన్ కు వేదాశీర్వచనం అందించారు. ఆలయ వర్గాలు సీఎం జగన్ కు జ్ఞాపికను కూడా బహూకరించాయి.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: