ప్రత్యేకత కోసం...వినూత్నంగా పెళ్లిళ్తు...

ఆధార్ కార్డు రూపంలో వెడ్డింగ్ కార్డు


వింతగా ఆహ్వానాలు అందించి తమ ప్రత్యేకతను చాటుకోవాలని కొందరు భావిస్తుంటారు. అలాంటి పెళ్లి గురించి మనం వినబోతున్నాం. ఈ మధ్య కాలంలో పెళ్లి వినూత్న పద్ధతుల్లో జరుగుతున్నాయి. కొందరు అత్యాధునిక సాంకేతికతతో వివాహం చేసుకుంటున్నారు. మరికొందరు పెళ్లి ద్వారా తమ అభిప్రాయాలను తెలియజేసే ప్రయత్నం చేస్తున్నారు. ఇంకొందరు వెరైటీ కోసం కొత్త కొత్త ప్రయత్నాలు చేస్తున్నారు. తాజాగా ఛత్తీస్ గఢ్‌లో ఓ పెళ్లి కార్డు వైరల్ అయింది. అదే హాట్ టాపిక్‌గా మారి సోషల్ మీడియాలో చక్కర్లు కొడుతోంది. ఎందుకంటే సాధారణ వెడ్డింగ్ కార్డులా కాకుండా వెరైటీగా ఉండడమే దాని ప్రత్యేకత. అది అచ్చం ఆధార్ కార్డులా ఉంటుంది. మామూలుగా చూస్తే అది ఆధార్ కార్డ్ అనే అనుకుంటాం. తీక్షణంగా చూస్తే అది ఆధార్ కార్డు కాదు పెళ్లి కార్డు అని అర్థమవుతోంది. జాష్‌పూర్ జిల్లాలోని అంకిరా గ్రామానికి చెందిన లోహిత్ సింగ్ తన గ్రామంలో కంప్యూటర్ సంబంధిత పనులు చేస్తుంటాడు. అయితే తన పెళ్లి నిశ్చయం అవ్వడంతో కొత్తరకంగా పెళ్లి పత్రికను డిజైన్ చేయించాడు. ఏకంగా ఆధార్ కార్డులో చేయించాడు. బంధువులకు, స్నేహితులకు తనకు పెళ్లికి రావాలంటూ ఆ కార్డులను పంచుతున్నాడు. ఆధార్ నెంబర్ స్థానంలో పెళ్లి తేదీని ప్రింట్ చేయించాడు. పైగా ఆ కార్డులో కోవిడ్ వైరస్ కట్టడి కోసం అవసరమైన నియమాలు గురించి రాసుకొచ్చాడు. పెళ్లి వచ్చేవారంతా ముఖానికి తప్పనిసరిగా మాస్క్‌ ధరించాలని అందులో పేర్కొన్నాడు. అయితే ఆ కార్డును చూసిన వాళ్లు తెగ ఆశ్చర్యపోతున్నారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: