మెడికల్ కాలేజీ ఆసుపత్రిలో అగ్నిప్రమాదం...కోవిడ్ రోగి మరణం


ఆసుపత్రులకు అగ్ని ప్రమాదాల సమస్యలు వెంటాడుతూనే ఉన్నాయి. తాజాగా పశ్చిమ బెంగాల్‌లోని బుర్ద్వాన్ మెడికల్ కాలేజీ ఆస్పత్రిలో అగ్ని ప్రమాదం జరిగింది. అందరూ నిద్రిస్తునన సమయంలో అకస్మాత్తుగా కోవిడ్ వార్డులో మంటలు చెలరేగాయి. ఈ దుర్ఘటనలో కోవిడ్‌‌ బారిన పడి ఆస్పత్రిలో చికిత్స పొందుతున్న ఓ వ్యక్తి మరణించారు. దీంతో ఆస్పత్రిలో ఉన్న పేషంట్లు, వారి బంధువులు ఆందోళనకు గురయ్యారు. కోవిడ్ వార్డులోని ఆరో బ్లాక్‌లో శనివారం తెల్లవారుజామున 4.30 గంటల ప్రాంతంలో మంటలు చెలరేగాయి. అది గమనించిన ఆస్పత్రి సిబ్బంది మంటలు ఆపడానికి ప్రయత్నించారు. అదే సమయంలో రోగులు భయంతో పరుగులు తీశారు. ఆస్పత్రిలో ఉన్నవారిని సిబ్బంది జాగ్రత్తగా బయటకు తరలించారు. దీనిపై సమాచారం ఇవ్వడంతో పోలీసులు, అగ్ని మాపక సిబ్బంది సంఘటనా స్థలానికి చేరుకుని మంటలను అదుపు చేసే ప్రయత్నం చేశారు. దాదాపుగా గంట తర్వాత మంటలు అదపులోకి వచ్చాయి. ఈ ప్రమాదంలో చనిపోయిన వ్యక్తి ఘల్సీలోని బరమురియా గ్రామానికి చెందిన సంధ్య మండల్ (60)గా గుర్తించారు. ఈ ఘటనలో ఇంకెవరికి ఎటువంటి హాని జరగలేదని ఆస్పత్రి వర్గాలు తెలిపాయి. అయితే ఈ యాక్సిడెంట్‌కు కారణాలు తెలియరాలేదు. దీనిపై విచారణ జరపడానికి ఐదుగురు సభ్యులతో ఓ కమిటీని ఏర్పాటు చేశారు. ఆ కమిటీ 24 గంటల్లో నివేదిక ఇవ్వనుంది. దీనిపై ఫోరెన్సిక్ బృందానికి సమాచారం అందించామని బుర్ద్వాన్ మెడికల్ కాలేజీ ప్రిన్సిపాల్ డాక్టర్ ప్రబీర్ సేన్ గుప్తా తెలిపారు. ఆ కమిటీ సభ్యులు కూడా ఆస్పత్రిని సందర్శిస్తారని చెప్పారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: