నేను విమానం నడపను: ప్రశంసించిన పీఐఏ సంస్థ


డ్యూటీ అన్నాక డ్యూటీయే ఒక నిమిషం ఎక్కువగా పనిచేసేది లేదు. ఇది అరుదుగా వినిపించే మాట. షిఫ్ట్ టైం అయిపోయిన తర్వాత కొందరు పనిచేయడానికి అస్సలు ఇష్టపడరు. ఎంత అవసరమున్నా సరే డ్యూటీ అయిపోయిందని వెళ్లిపోతుంటారు. అలా తన డ్యూటీ టైం ముగిసిపోయిందని ఓ పాకిస్థాన్ పైలట్ విమానాన్ని తీసేదే లేదని తేల్చి చెప్పేశాడు. దాంతో ప్రయాణికుల పరిస్థితి అగమ్య గోచరంగా మారింది. దాంతో ప్రయాణికులు నిరసన వ్యక్తం చేశారు. ఈ పరిణామంతో అక్కడ స్వల్ప ఉద్రిక్త పరిస్థితి నెలకొంది. పాకిస్థాన్ ఇంటర్నేషనల్ ఎయిర్ లైన్స్‌కు చెందిన PK-9754 విమానం జనవరి 16న సౌదీ అరేబియాలోని రియాద్ నుంచి పాకిస్థాన్‌లోని ఇస్లామాబాద్‌కు చేరుకోవాల్సి ఉంది. అయితే మార్గమధ్యలో ప్రతికూల వాతావరణం కారణంగా విమానాన్ని సౌదీఅరేబియాలోని దమ్మామ్ విమానాశ్రయానికి దారి మళ్లించారు. తిరిగి అక్కడ నుంచి ప్రయాణం కొనసాగించాల్సిన సమయానికి పైలట్‌లలో ఒకరు తన డ్యూటీ టైం అయిపోయిందని విమానం నడిపేందుకు రాలేనని చెప్పి వెళ్లిపోయాడు. ఈ విషయాన్ని కో పైలట్ పాకిస్థాన్ ఇంటర్నేషనల్ ఎయిర్‌లైన్స్‌ యాజమాన్యం దృష్టికి తీసుకువెళ్లాడు. ఈలోపు ప్రయాణికులు ఆందోళనకు గురయ్యారు. విమానం దిగబోమని తమను తీసుకెళ్లాల్సిందేనని పట్టుబట్టారు. దాంతో అక్కడ గందరగోళ పరిస్థితి ఏర్పడింది. తర్వాత ఎయిర్ పోర్ట్ సెక్యూరిటీ వారికి సర్ది చెప్పారు. అనంతరం స్థానిక హోటళ్లో వారు ఉండేందుకు ఏర్పాట్లు చేశారు. పైలట్ తిరిగి వచ్చాక ప్రయాణం కొనసాగించారు. అయితే ప్రయాణికుల భద్రత కోసం పైలట్లకు తగిన విశ్రాంత అవరమని, తమ పైలట్ సరైన నిర్ణయం తీసుకున్నారని పీఐఏ సంస్థ ప్రతినిధి అన్నారు. కాగా పీఐఏ ప్రతి వారం సౌదీ అరేబియా కోసం 35 విమానాలను నడుపుతోంది.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: