చదువుకున్న పాఠశాల రుణం తీర్చుకునేందుకు..

నలుగురికి ఆదర్శంగా నిలిచే లా వ్యవహరించారు

పాఠశాలకు పూర్వ విద్యార్థి కంప్యూటర్ ..బహుకరణ

(జానో జాగో వెబ్ న్యూస్ -గడివేముల ప్రతినిధి)

తాను చదివిన పాఠశాలకు ఏదో ఓ సహాయం చేసి రుణం తీర్చుకోవాలని ఓ పూర్వ విద్యార్థి చేసిన ఆలోచన నలుగురికి ఆదర్శంగా నిలిచింది. తనలాగే భవిష్యత్ తరం కూడా విద్య ఫలాలు పొంది ఉన్నతి సాధించాలన్న తపనతో ఆ పూర్వ విద్యార్థి పాఠశాలకు కంప్యూటర్ ను బహుకరించారు. వివరాలు లోకి వెళితే...కర్నూలు జిల్లా, పాణ్యం నియోజకవర్గం, గడివేముల మండల పరిధిలోని గవర్నమెంటు జడ్పిహెచ్ఎస్ స్కూల్లో 1983బ్యాచ్ కి చెందిన హుస్సేన్ రెడ్డి ఆ పాఠశాలలో విద్యాభ్యాసం పూర్తి చేసుకున్నారు. అనంతరం ఆయన ఉన్నత చదువు చదివి పురోగతి సాధించారు. తనను ఇంతటి వాడిని చేసిన ఆ పాఠశాలల రుణం ఎలా తీర్చుకోవాలి అన్న ఆలోచన మొదలైంది.

 హుస్సేన్ రెడ్డి పంపించిన కంప్యూటర్ను పాఠశాలకు అందిస్తున్న ఆయన స్నేహితుడు మహబూబ్ బాషా

ఆలోచన క్రమంలో పాఠశాలలో భవిష్యత్ తరానికి మరింత నైపుణ్య విద్య అందించేందుకు వీలుగా కంప్యూటర్ బహుకరణ చేస్తే ఎలా ఉంటుందనే ఆలోచన అతనిలో బీజం వేసింది. అనుకున్నదే తడవుగా ఆ పాఠశాలకు కంప్యూటర్ బహూకరణ చేశారు హుస్సేన్ రెడీ. పాఠశాల అభివృద్ధి, పిల్లల ఉన్నతికి కంప్యూటర్ ను చిన్ననాటి స్నేహితుడైన మహబూబ్ భాషా చే పాఠశాలకు అందించారు. ఇలా ఆయన తన ఉదారతను చాటి నలుగురికి ఆదర్శంగా నిలిచారు.


Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: