వారి గైర్హాజరు క్షమించరాని నేరం

తెలంగాణ కాంగ్రెస్ నేతల విమర్శ

(జానో జాగో వెబ్ న్యూస్- హైదరాబాద్ బ్యూరో)

మహాత్మా గాంధీ వర్ధంతి రోజున బాపూఘాట్ వద్ద నివాళి అర్పించడానికి గవర్నర్ సి.ఎం డుమ్మా కొట్టడము క్షమించరానిది అని తెలంగాణ కాంగ్రెస్ నేతలు విమర్శించారు. ఈ సందర్భంగా వారు మాట్లాడుతూ.. సభలు, సమావేశాలు, ప్రారంభోత్సవాలు, శంకుస్థాపనలకు అడ్డురాని కరోనా, గాంధీజీ కి నివాళు లర్పించడానికే అడ్డు వచ్చిందా? హైదరాబాద్ లంగర్ హౌజ్ బాపూ ఘాట్ వద్ద మహాత్మాగాంధీ 74వ వర్ధంతి రోజైన నేడు కాంగ్రెస్ పార్టీ తరపున మాజీ పి.సి.సి అధ్యక్షులు వీ. హనుమంత్ రావు, జాతీయ విపత్తుల నివారణ సంస్థ మాజీ ఉపాధ్యక్షులు మర్రి శశిధర్ రెడ్డి, పి.సి.సి సీనియర్ ఉపాధ్యక్షులు జి.నిరంజన్ తదితరులు స్థానిక కాంగ్రెస్ నాయకులతో కల్సి మహాత్మా గాంధీ కి ఘనమైన నివాళులర్పించారు.


రెండు నిముషాలు మౌనము పాటించి శ్రద్దాంజలి ఘటించారు. రాష్ట్ర ప్రభుత్వము లక్షలాది రూపాయలు ఏర్పాట్లకు వెచ్చించినా, గాంధీజి ఆస్తికలు, చితాభస్మాన్ని ఉంచిన చారిత్రాత్మకమైన , పవిత్రమైన ఈ గాంధీజీ స్మృతి వద్ద జరిగే కార్యక్రమానికి గవర్నర్ , సి.ఎమ్ హాజరు కాకపో వడము, హుందాగా నిర్వహించక పోవడము జాతి పిత పట్ల అమర్యాదగా ప్రవర్తించడమేనని వారు ధ్వజమెత్తారు. గవర్నర్, సి.ఎమ్ ల ధోరణికి నిరసనగా 15 నిముషాల పాటు మౌనదీక్ష చేసి, భవిష్యత్తులో ఇలా జరుగకుండా చూడాలని కోరారు. ఈ కార్యక్రమంలో బాపూ స్మృతి కమిటీ సభ్యులు పరమానందము. కార్వాన్ బ్లాక్ కాంగ్రెసు అధ్యక్షులు చంటిబాబు, క్రిష్ణ, చంద్రశేఖర్, శోభా పాండే,యూసుఫ్ జాహి, రఘుపతి రెడ్డి తదితరులు పాల్గొన్నారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: