ఆటలో పాటకు డ్యాన్స్...క్రికెట‌ర్ డ్వెయిన్ బ్రావో స్టెపులు
పుష్ప..పుష్ప ఎక్కడ చూసిన ఇపుడు అదే గోల. 'పుష్ప' సినిమాలో అల్లు అర్జున్ వేసిన స్టెప్పులు బాగా పాప్యుల‌ర్ అయ్యాయి. విదేశీ క్రికెట‌ర్లు సైతం ఈ స్టెప్పులు వేస్తున్నారంటే 'పుష్ప' రాజ్ మేనియా ఏ స్థాయిలో ఉందో అర్థం చేసుకోవ‌చ్చు. ఈ సినిమాలో శ్రీవల్లి పాటకు అల్లు అర్జున్ వేసిన స్టెప్పుల‌ను ఇప్పటికే ప‌లువురు క్రికెట‌ర్లు వేశారు. 'శ్రీవల్లి' సాంగ్‌కు ఇప్పటికే డేవిడ్ వార్న‌ర్, రైనా వంటి వారు డ్యాన్స్ చేసి అల‌రించిన విష‌యం తెలిసిందే. ఇప్పుడు అదే పాటకు వెస్టిండీస్‌ క్రికెట‌ర్ డ్వెయిన్ బ్రావో డ్యాన్స్ చేసి అల‌రించాడు. అది కూడా మైదానంలో మ్యాచ్ జ‌రుగుతోన్న స‌మ‌యంలో చేశాడు. బంగ్లాదేశ్ ప్రీమియ‌ర్ లీగ్‌లో వికెట్ తీసిన ఆనందంలో బ్రావో ఈ స్టెప్పులు వేశాడు. కాగా, ఫార్చూన్ బోరిషాల్ త‌ర‌ఫున బ్రావో ఆడుతున్నాడు. ఆ మ్యాచ్‌లో కొమిల్లా విక్టోరియా జ‌ట్టుతో త‌ల‌ప‌డ్డాడు.
Share To:
Post A Comment:
0 comments: