న్యాయవాదుల రక్షణ చట్టం తీసుకోరావాలి

న్యాయవాది మహమ్మద్ నిజాముద్దీన్ రషీద్ డిమాండ్


(జానో జాగో వెబ్ న్యూస్-సంగారెడ్డి ప్రతినిధి)

న్యాయవాదుల రక్షణ చట్టం తీసుకోరావాలని ప్రముఖ సామాజిక కార్యకర్త, న్యాయవాది మహమ్మద్ నిజాముద్దీన్ రషీద్ డిమాండ్ చేశారు. ఆయన సంగారెడ్డిలో ఏర్పాటు చేసిన విలేకరుల సమావేశంలో మాట్లాడుతూ, ప్రజాస్వామ్యానికి ములస్తంభల్లో ఒకటైన న్యాయ వ్యవస్థలో న్యాయవాదుల పాత్ర చాలా ప్రధానమైనది.  నాటి స్వాతంత్ర ఉద్యమంలో న్యాయవాదులు కీలక పాత్ర పోషించడం జరిగింది. జాతిపిత మహాత్మా గాంధీ మరియు భారత రాజ్యాంగ నిర్మాత డాక్టర్ బి. ఆర్. అంబేద్కర్ లు కూడా న్యాయవాద వృత్తి నుండి వచ్చిన వారే.  ప్రస్తుత చట్ట సభల్లో కూడా చాలా మంది న్యాయవాద వృత్తి నుండి వచ్చిన వారు ఉన్నారు. కానీ నేడు కొన్ని దుష్టశక్తులు న్యాయవాదులపై బెదిరింపులకు మరియు భౌతిక దాడులకు పాల్పడుతున్నారు. ఈ తరహా దాడులను ప్రింట్ మీడియా, ఎలక్ట్రానిక్ మీడియా మరియు పలు సామాజిక మాధ్యమాల్లో రోజు చూస్తూనే ఉన్నాము. బాదితుల తరపున న్యాయం కొరకు నిలబడి పోరాడే న్యాయవాదులకే రక్షణ లేకపోతే ఇక సామాన్య ప్రజల సంగతి దేవుడెరుగు.  కావున  తేది.31-01-2022  సోమవారం నాటి నుండి ప్రారంభం అయ్యే పార్లమెంట్ సమావేశాల్లో  న్యాయవాదుల రక్షణ చట్టం (Advocates Protection Act) ఏర్పాటు కొరకు న్యాయవాదుల తరపున వాణిని వినిపించల్సిందిగా, కేంద్ర న్యాయశాఖ మంత్రివర్యులు గౌ. శ్రీ. కిరెన్ రిజిజు గారికి, కేంద్ర సాంస్కృతిక, పర్యాటక, ఈశాన్య ప్రాంత అభివృద్ధి శాఖ మంత్రి వర్యులు గౌ. శ్రీ. జి. కిషన్ రెడ్డి గారికి మరియు మన రాష్ట్రం నుండి పార్లమెంట్ ఉభయసభల్లో ప్రాతినిధ్యం వహిస్తున్న రాజ్యసభ & లోక్ సభ సభ్యులందరికీ వినతి పత్రంతో కూడిన లేఖలను వ్రాయడం జరిగింది.  త్వరలో న్యాయవాదుల రక్షణ చట్టం ఏర్పడుతుంది అని ఆశిస్తున్నట్లు తెలిపారు.


Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: