బీజేపీ వర్సెస్ జేడీయూ


దోస్తుల మధ్య మాటల యుద్దం సాగుతోంది. బీహార్ లో అధికారంలో భాగస్వాములైనా బీజేపీ, జేడీయూ  మధ్య మాటల  యుద్దం తీవ్రంకావడం చర్చాంశనీయంగా మారింది. ఎన్డీయే భాగస్వామ్య పక్షాల మధ్య లుకలుకలు మరోసారి బయటపడ్డాయి. తాజాగా, సీఎం నితీశ్ కుమార్ నేతృత్వంలోని జేడీయూ నేతలకు బిహార్ బీజేపీ అధ్యక్షుడు సంజయ్ జైశ్వాల్ వార్నింగ్ ఇచ్చారు. ప్రధాని నరేంద్రమోదీని జేడీయూ నేతలు తరుచూ ట్విట్టర్‌లో ట్యాగ్ చేస్తుండడంపై తీవ్ర ఆగ్రహం వ్యక్తం చేసిన ఆయన.. ప్రధానితో ట్విట్టర్-ట్విట్టర్ అంటూ ఆడొద్దని హెచ్చరించారు. అశోక చక్రవర్తి విషయంలో సినీ రచయిత దయ ప్రకాష్ సిన్హా చేసిన వ్యాఖ్యలకు ప్రతిగా ఆయన పద్మశ్రీని వెనక్కి తీసుకోవాలని జేడీయూ నేతలు డిమాండ్ చేస్తున్నారు. జేడీయూ జాతీయ అధ్యక్షుడు రాజీవ్ రంజన్, పార్లమెంటరీ బోర్డు ఛైర్మన్ ఉపేంద్ర కుశ్వాహాలు ఇటీవల ట్విట్టర్‌లో స్పందిస్తూ.. పద్మశ్రీని వెనక్కు తీసుకోవాలని కోరుతూ ప్రధాని నరేంద్రమోదీని ట్యాగ్ చేశారు. అశోక చక్రవర్తి, ఔరంగాజేబును సమానంగా చూపించడంపై సిన్హాపై జేడీయూ నేతలు తీవ్రంగా మండిపడుతున్నారు. మరోవైపు, దయ ప్రకాశ్‌ సిన్హాపై సంజయ్ జైశ్వాల్ పోలీసులకు ఫిర్యాదు చేశారు. సిన్హాను అరెస్ట్‌కు బదులు ఆయనకిచ్చిన పద్మశ్రీని వెనక్కు తీసుకోవాలని ఎందుకు డిమాండ్ చేస్తున్నారని జైశ్వాల్ నిలదీశారు. అరెస్ట్‌కు ముందు అవార్డు రద్దుచేయడం కుదరదని వ్యాఖ్యానించారు. ‘‘ఈ విషయంలో జేడీయూ నేతలు కేంద్ర నాయకత్వం, నన్ను ఎందుకు ట్యాగ్ చేస్తున్నారు.. భాగస్వామ్యపక్షాలు ఎవరి హద్దుల్లో వాళ్లు ఉండాలి.. ఇది ఇకపై ఏకపక్షంగా ఉండకూడదు.. దేశ ప్రధానితో ట్విట్టర్-ట్విట్టర్ అంటూ ఆడొద్దని ఈ హద్దుల్లో తొలి నిబంధన.. ఒకవేళ మీరు అలా చేయకుండా పదే పదే ప్రశ్నిస్తే బిహార్‌లోని 76 లక్షల మంది బీజేపీ కార్యకర్తలు సరైన సమాధానం చెబుతారు.. భవిష్యత్తులో మీరు జాగ్రత్తగా ఉంటారని నేను ఖచ్చితంగా అనుకుంటున్నాను.. అవార్డులను వెనక్కి తీసుకోమని ప్రధానిని అడగడం అంతకు మించి అర్ధంకాని విషయం మరొకటి ఉండదు’’ అని జైశ్వాల్ కౌంటర్ ఇచ్చారు. ‘ఏదైనా విభేదాలు ఉంటే మిత్రపక్షాలు కలిసి కూర్చుని మాట్లాడుకోవచ్చు.. 2005కి ముందు జరిగినట్లుగా ముఖ్యమంత్రి నివాసం మరోసారి హత్యలు, కిడ్నాప్‌లు, దోపిడీల కేంద్రంగా మారడం మాకు ఇష్టం లేదు’ అని ఘాటైన వ్యాఖ్యలు చేశారు. దీనికి ఉపేంద్ర కుశ్వాహా సైతం తీవ్రంగా స్పందిస్తూ.. అవార్డును వెనక్కు తీసుకునేవరకూ మా డిమాండ్ విషయంలో వెనక్కు తగ్గేదిలేదని పునరుద్ఘాటించారు.


Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: