స్మార్ట్ ఫోన్ ఓం పై రైతులకు డిస్కౌంట్ పెంపు

స్మార్ట్ ఫోన్ కొనుగోలు చేసి రైతులకు ఇచ్చే సబ్సిడీని మరింత పెంచామని గుజరాత్ ప్రభుత్వం ప్రకటించింది. రైతులు కొనుగోలు చేసే స్మార్ట్‌ఫోన్లకు సబ్సిడీని పెంచినట్టు ప్రకటించింది. ఈ విషయాన్ని ఆ రాష్ట్ర వ్యవసాయ శాఖ మంత్రి రాఘవ్ జీ పటేల్ వెల్లడించారు. మంగళవారం గాంధీనగర్‌లో ఏర్పాటు చేసిన విలేకరుల సమావేశంలో ఆయన ఈ విషయం చెప్పారు. ఈ సందర్భంగా కొత్త ప్రభుత్వం ఏర్పడిన తర్వాత తన మంత్రిత్వ శాఖ అమలు చేసిన కొన్ని ముఖ్యమైన అంశాలను వివరించారు. ఈ సందర్భంగా మంత్రి రాఘవ్ జీ పటేల్ రైతులు కొనే స్మార్ట్‌ ఫోన్ల‌కు ఇచ్చే సబ్సిడీని పెంచినట్టు తెలిపారు. ఇంతకు ముందు 10 శాతం సబ్సిడీని ఇవ్వగా దానిని ఇప్పుడు 40 శాతానికి పెంచారు. అంటే రూ.15 వేలు అంతకంటే తక్కువ ధరకు కొనుగోలు చేసే ఫోన్‌లకు రూ.6 వేల వరకూ డిస్కౌంట్ ఇవ్వనున్నట్టు చెప్పారు. ఈ బెనిఫిట్‌ కోసం జనవరి 17 తర్వాత 12,421 మంది రైతులు దరఖాస్తు చేసుకున్నారని మంత్రి తెలిపారు.

భూపేంద్ర పటేల్ నేతృత్వంలోని ప్రభుత్వం ట్రాక్టర్ల కొనుగోలు కోసం రైతులకు అందించే ఆర్థిక సాయాన్ని కూడా పెంచింది. 60 హార్స్ పవర్ లేదా అంతకంటే తక్కువ సామర్థ్యం ఉన్న ట్రాక్టర్లను కొనుగోలు చేసేందుకు సబ్సిడీని రూ.60,000, రూ.75,000లు అందజేశారు. అలాగే రైతులు తమ పొలంలో పంట నిల్వ సదుపాయాలను అభివృద్ధి చేయడానికి అందించే సహాయాన్ని లక్ష రూపాయలకు పెంచారు. లేదా నిర్మాణ వ్యయంలో 50 శాతానికి రెట్టింపు చేశారు. కాగా ఈ ఏడాది చివరిలో జరగనున్న అసెంబ్లీ ఎన్నికల్లో ప్రజల విశ్వాసాన్ని పొందేందుకు బీజేపీ ప్రభుత్వం ఇదంతా చేస్తుందని, ఇది కచ్చితంగా ఎన్నికల స్టంటేనని కొందరు కామెంట్ చేస్తున్నారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: