ఆ యూట్యూబ్ ఛానళ్లను నిషేధించిన కేంద్రం


దాదాపు 35 యూట్యూబ్ ఛానళ్లపై  కేంద్రం కోరఢా ఝులిపించింది. నకిలీ వార్తలను ప్రచారం చేస్తోన్న 35 యూట్యూబ్ ఛానళ్లను, రెండు ట్విట్టర్ ఖాతాలను, రెండు ఇన్‌స్టా‌గ్రామ్ అకౌంట్లను, రెండు వెబ్‌సైట్ల‌ను కేంద్ర ప్రభుత్వం బ్యాన్ చేసింది. ఈ ఛానళ్లు దేశంలోని సున్నితమైన అంశాలపై తప్పుగా ప్రచారం చేస్తున్నాయని, అందుకే ఈ నిర్ణయం తీసుకున్నట్టు సమాచార, ప్రసార మంత్రిత్వ శాఖ శుక్రవారం తెలిపింది. వీటికి 1.2 కోట్ల సబ్‌స్క్రైబర్లు, 130 కోట్ల వ్యూస్ ఉన్నాయి. ఇంటెలిజెన్స్ నుంచి మంత్రిత్వ శాఖకు అందిన సమాచారంతో ఈ ఛానళ్ల నుంచి తప్పుడు సమాచారం ప్రసారం అవుతోందని అధికారులు గుర్తించారు. పాకిస్థాన్ వేదికగా ఈ ఛానళ్లు పనిచేస్తున్నాయి. ఈ ఛానళ్ల ద్వారా భారతదేశానికి సంబంధించిన పలు విషయాలపై వ్యతిరేక ప్రచారాన్ని చేస్తున్నారు. బ్లాక్ చేసిన యూట్యూబ్ ఛానళ్లలో ఖబర్ విత్ ఫాక్ట్స్, గ్లోబల్ ట్రూత్, ఇన్ఫర్మేషన్ హబ్, అప్నీ దున్యా టీవీ, బోల్ మీడియా టీవీ ఉన్నాయి. అలాగే whiteproductions.com.pk, dnowmedia.com వెబ్‌సైట్లను నిషేధించారు. ఇదిలావుంటే గత ఏడాది డిసెంబర్‌లో సమాచార, ప్రసార మంత్రిత్వ శాఖ భారతదేశానికి వ్యతిరేకంగా నకిలీ వార్తలను వ్యాప్తి చేసిన 20 యూట్యూబ్ ఛానళ్లు, రెండు వెబ్‌సైట్‌లను బ్యాన్ చేసింది. ఆ ఛానళ్లు కశ్మీర్, భారత ఆర్మీ, భారతదేశంలోని మైనారిటీ కమ్యూనిటీలు, రామమందిరం, జనరల్ బిపిన్ రావత్ మొదలైన అంశాలపై విద్వేషపూరితమైన కంటెంట్‌ను పోస్ట్ చేస్తున్నట్టుగా మంత్రిత్వ శాఖ పేర్కొంది.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: