మతోన్మాదంపై గాంధీ స్ఫూర్తితో పోరాడాలి 

ఆవాజ్ రాష్ట్ర కార్యదర్శి మహమ్మద్ అబ్బాస్

(జానో జాగో వెబ్ న్యూస్- హైదరాబాద్ బ్యూరో)

మతోన్మాదంపై పోరాటంలో గాంధీ తన ప్రాణాన్ని కోల్పోయాడని, గాంధీజీని స్ఫూర్తిగా తీసుకుని మతోన్మాదంపై పోరాడాలని, దేశంలో లౌకిక, ప్రజాస్వామిక విలువలను కాపాడుకోవాలని ఆవాజ్ రాష్ట్ర ప్రధాన కార్యదర్శి మహమ్మద్ అబ్బాస్ పిలుపునిచ్చారు. ఆవాజ్ రాష్ట్ర కమిటీ ఆధ్వర్యంలో గాంధీజి 74 వ వర్ధంతి సభ హైదరాబాద్ సుందరయ్య విజ్ఞాన కేంద్రంలోని తెలంగాణ ప్రజా సాంస్కృతిక కేంద్రం హాల్లో జరిగింది. ఈ కార్యక్రమంలో ఆయన ప్రసంగిస్తూ గాంధీజీ దేశంలో మతసామరస్యం, లౌకికవాదం, శాంతియుత సహజీవనం తో వివిధ మతాలకు చెందిన ప్రజలు కలిసిమెలిసి జీవించాలని ఆకాంక్షించాడు.  దానిని సహించలేని సంఘ్ పరివార్, మతోన్మాద శక్తులు ఆయనని దారుణంగా హత్య చేసాయని అన్నాడు. దేశంలో నేడు మతోన్మాద శక్తులు బలం పుంజుకుని ప్రశ్నించిన వారిని వ్యక్తిగతంగా హత్య చేయడం ద్వారా భయబ్రాంతులకు గురి చేయాలని చూస్తున్నాయని అన్నారు. గోవింద్ పన్సారే దబోల్కర్, కల్బుర్గి, గౌరీ లంకేష్ ఇలాంటి హేతువాదులను దారుణంగా హతమార్చేయడం. దేశంలో శాస్త్రీయమైన, హేతుబద్దమైన ఆలోచనలు రాకుండా ప్రజలను మౌఢ్యంలో ఉంచాలని మతోన్మాద శక్తులు కుట్ర చేస్తున్నాయని విమర్శించారు. రాజ్యాంగం ప్రజలకు ఇచ్చిన హక్కులను మతం,  సంప్రదాయాల పేరుతో బలవంతంగా అణిచి వేయడానికి ప్రయత్నం చేస్తున్నారు. దేశంలో మత రాజ్యాన్ని స్థాపించి వివిధ  సామాజిక తరగతులు పొందుతున్న స్వేచ్ఛా, స్వాతంత్య్రాలను హరించి వేయాలని తన కాళ్ళ కింద అణిగిమనిగి ఉండేలాగా చేయాలని ప్రజల యొక్క స్వేచ్ఛను హరించడం కోసం ప్రయత్నం చేస్తున్నాయి. దేశ సంపద ప్రభుత్వ రంగ సంస్థలను కార్పొరేట్ సంస్థలకు ఒకవైపు చెబుతూ రెండో వైపు దేశభక్తి, దైవభక్తి పేరుతో ప్రజలని మభ్యపెడుతున్నారు. ఈ మతోన్మాద శక్తులను ఎదిరించడానికి గాంధీజీ స్ఫూర్తితో ఉద్యమించాలి. లౌకిక, ప్రజాస్వామిక విలువల పరిరక్షణకు పోరాటం మరింత ఉధృతం చేయాలని ఆయన ఆవాజ్ శ్రేణులకు పిలుపునిచ్చారు. ఈ సమావేశానికి ఆవాజ్ రాష్ట్ర ఉపాధ్యక్షులు అజీజ్ అహమ్మద్ ఖాన్ అధ్యక్షత వహించగా, గాంధీజీ చిత్రపటానికి పట్నం రాష్ట్ర ప్రధాన కార్యదర్శి డీజీ నరసింహారావు పూలమాల వేసి నివాళులర్పించారు. ఈ కార్యక్రమంలో తెలంగాణ రాష్ట్ర సాంస్కృతిక కేంద్రం కన్వీనర్ జి రాములు, హిమబిందు, ఆవాజ్ రాష్ట్ర కోశాధికారి షేక్ అబ్దుల్ సత్తార్ ప్రసంగించారు. ఆవాజ్  నాయకులు యాకూబ్, ఇబ్రహీం, అంజుమ్, సుల్తానా, అలీ, ఖాజా గరీబ్ తదితరులు పాల్గొన్నారు.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: