విమానంలో మాస్క్ గొడవ...అతడి వల్ల ఎంతో వ్యయం 


కొందరు వితండ వాదులు ఉంటారు. ముర్ఖంగా వ్యవహరిస్తుంటారు. అలాంటి ఓ మూర్ఖపు ప్రయాణికుడి వల్ల ఓ విమానం ఆలస్యమవవ్వడమే కాకుండా వాటి ఇంధనం కూడా చాలా వేస్ట్ గా అయింది. ప్రయాణికులు కూడా తీవ్ర ఇబ్బందులు ఎదుర్కొన్నారు. ఇదిలావుంటే ప్రపంచవ్యాప్తంగా కరోనా విజృంభిస్తుంటే.. కొంతమందిలో మాత్రం ఇంకా మార్పు రావడం లేదు. నిబంధనలు పాటించమని ఎంత చెబుతున్నా తమ పంథాను మార్చుకోవడం లేదు. కనీసం మాస్క్‌ పెట్టుకోవడానికి కూడా సిద్ధపడడం లేదు. వైరస్ వ్యాప్తి కట్టడికి అన్ని దేశాల్లో కోవిడ్ రూల్స్‌ కచ్చితంగా అమలయ్యేలా ఆయా ప్రభుత్వాలు చర్యలు తీసుకుంటున్నాయి. వాటిపై అవగాహన పెంచుతున్నాయి. అయితే బహిరంగ ప్రదేశాల్లో ఇంకా మాస్క్‌ పెట్టుకోని, భౌతిక దూరం పాటించని వారికి అధికారులు, పోలీసులు తమదైన శైలీలో బుద్ధి చెబుతున్నారు. కోవిడ్ కేసులు విపరీతంగా పెరగడంతో బస్సులు, విమానాల్లో ప్రయాణించే వారు కూడా మాస్కులు కచ్చితంగా పెట్టుకోవాల్సిందేనని రూల్ తీసుకొచ్చారు. అయితే ఓ విమానంలోప్రయాణిస్తున్న ఓ వ్యక్తి మాస్క్ పెట్టుకోవడానికి ఒప్పుకోలేదు. దాంతో ఏకంగా విమానాన్నే వెనక్కి తిప్పేశారు. ఈ ఘటన అమెరికన్ ఎయిర్‌లైన్స్‎కు చెందిన జెట్‌లైనర్ విమానంలో చోటుచేసుకుంది. మియామి నుంచి లండన్‌కు బయలుదేరిన అమెరికన్ ఎయిర్ లైన్స్ కు చెందిన ఫ్లైట్‌లో AA38(Boeing 777-300ER)ఓ ప్రయాణికుడు మాస్క్ పెట్టుకోలేదు. దాంతో ఎయిర్ హోస్టెస్ సదరు వ్యక్తిని మాస్క్ పెట్టుకోమని చెప్పింది. కానీ ఆ వ్యక్తి మాత్రం పెట్టుకోనన్నాడు. చివరికి విమానాన్ని తిరిగి మియామికి మళ్లించారు. సంబంధిత అధికారులు సమాచారం ఇవ్వడంతో ఎయిర్‌పోర్టులో సిద్ధంగా ఉన్న పోలీసులు విమానం ల్యాండ్ అవ్వగానే ఆ వ్యక్తిని అదుపులోకి తీసుకున్నారు. కాగా ఆ విమానంలో 129 మంది ప్రయాణిస్తున్నారు. అయితే మళ్లీ ఆ విమానం స్టార్ట్ అయి తిరిగి ల్యాండ్ అయ్యే సమయానికి దాదాపు రెండు గంటల 40 నిమిషాల సమయం పట్టింది. దీంతో గ్యాలన్ల కొద్ది ఇంధనం వృథా అయింది. అదే విమానం తిరిగి లండన్‌ నుంచి మియామికి రావాల్సి ఉంది. అయితే సంస్థ ఆ సర్వీసును పూర్తిగా రద్దు చేసింది. తమ దేశ చట్టాలను గౌరవిస్తూ విమానాన్ని వెనక్కి తిప్పాల్సి వచ్చిందని అమెరికన్ ఎయిర్ లైన్స్ సంస్థ వివరణ ఇచ్చింది.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: