బ్రిడ్జ్ పై నుంచి కిందపడ్డ కారు...ఏడుగురు విద్యార్థుల మరణం


కారు ప్రయాణం అప్రమత్తంగా చేయకుంటే ఘోర ప్రమాదంతప్పదని మరో ఘటన రుజువు చేసింది. మహారాష్ట్రలో సోమవారం అర్ధరాత్రి ఘోర రోడ్డు ప్రమాదం సంభవించింది. ఈ ప్రమాదంలో ఏడుగురు వైద్య విద్యార్థులు మృతిచెందారు. వీరిలో బీజేపీ ఎమ్మెల్యే తనయుడు కూడా ఉన్నాడు. మ‌హారాష్ట్రలోని డియోలీ నుంచి వార్ధాకు వెళుతోన్న స‌మ‌యంలో ఎస్‌యూవీ వాహనం సెల్సురా స‌మీపంలో అదుపు త‌ప్పి బ్రిడ్జిపై నుంచి కింద ప‌డింది. సుమారు 40 అడుగుల ఎత్తు నుంచి కారు ప‌డిపోవ‌డంతో కారులోని ఏడుగురు అక్క‌డిక్క‌డే మ‌ర‌ణించారు. వీరంతా వైద్య విద్యార్థులుగా పోలీసులు నిర్ధారించారు. ఏడుగురు మృతుల్లో భండారు జిల్లాల‌కు చెందిన తిరోడా ఎమ్మెల్లే విజ‌య్ ర‌హంగ్‌డేల్ కుమారుడు అవిష్కార్ రహంగ్‌డేల్ ఉన్నట్టు గుర్తించారు. సోమవారం అర్థ‌రాత్రి 11.30 ప్రాంతంలో జ‌రిగిన ఈ ప్ర‌మాదం గురించి సమాచారం అందుకున్న పోలీసులు ఘ‌ట‌నా స్థ‌లానికి చేరుకొని స‌హాయ‌క చ‌ర్య‌లు చేపట్టారు. మృతి చెందిన ఏడుగురిలో ఒక‌రు బీజేపీ ఎమ్మెల్యే కుమారుడు అవిష్కార్ రహంగ్‌డేల్ కాగా.. మిగతావారు నితీశ్ సింగ్, నీరజ్ చౌహన్, వివేక్ నందన్, ప్రత్యూష్ సింగ్, శుభమ్ జైస్వాల్‌గా గుర్తించారు. నితీశ్ సింగ్ హౌస్ సర్జన్ కాగా.. మిగిలిన ఆరుగురు వార్దాలోని శవాంగి మెడికల్ కాలేజీలో చివరి ఏడాది చదువుతున్నట్టు పోలీసులు తెలిపారు. ఇటీవ‌ల ప‌రీక్ష‌లు ముగియ‌డంతో విద్యార్థులంతా వార్ధాకు వెళుతున్నార‌ని ప్రాథ‌మిక విచార‌ణ‌లో తేలింది. ఎంతో బంగారు భ‌విష్య‌త్తు ఉన్న‌ వైద్య విద్యార్థులు ప్రమాదంలో ప్రాణాలు కోల్పోవడం అందరినీ దిగ్భ్రాంతికి గురి చేసింది.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: