చిలుకకు ఏ పలుకైనా సాధ్యమే

మనుషులు చిలకపలుకులు పలకడం కాస్త కష్టసాధ్యమే. కానీ అదే చిలుకకు ఏ పలు కైనా పలకడం సాధ్యమని నిరూపించింది. ఎవరన్నా చక్కగా మాట్లాడితే.. చిలుక పలుకులు అంటారు. అంటే చిలుక మాట్లాడితే అంత అందంగా ఉంటుంది. అలాంటి చిలుక పలుకులను వినే ఉంటారు.. కానీ చిలుక నోట రింగ్ టోన్ విన్నారా..? ఓ పంచవన్నెల చిలుక ఐఫోన్ రింగ్‌టోన్‌ను ఇమిటేట్ చేసింది. దాన్ని వింటే.. ఇక రింగ్‌టోన్‌ వినక్కర్లేదు సేమ్ టూ సేమ్ దించేసింది. ఇప్పుడు ఆ వీడియో సోషల్ మీడియాలో వైరల్ అవుతుంది. ఐఫోన్‌కు డిఫరెంట్ రింగ్‌టోన్ ఉంటుంది. అదేంటో ఐఫోన్ యూజర్లకు బాగా తెలుసు. ఐఫోన్‌ను ఇష్టపడేవారు..ఆ రింగ్‌టోన్‌ను అంతే ఇష్టపడతారు. అందుకే ఎక్కువ మంది ఆ రింగ్‌టోన్‌నే పెట్టుకుంటారు. అయితే ఆ రింగ్‌టోన్‌ను ఓ పంచవన్నెల రామ చిలుక ఇమిటేట్ చేసింది. కర్ణాటకలోని బెంగళూరుకు చెందిన గుస్సీ అనే చిలుక రింగ్‌టోన్‌ను అనుకరించింది. ఆ ఇమిటేషన్ వీడియోను మొదటగా ఇన్‌స్టాగ్రామ్‌లో పెట్టారు. తర్వాత దానిని ట్విట్టర్‌లో కూడా పెట్టారు. ఇది చూసిన నెటిజన్లు ఫిదా అయిపోతున్నారు.

పెంపుడు జంతువుల కోసం ప్రత్యేకంగా ఏర్పాటు చేసిన ఓ ఇన్‌స్టాగ్రామ్‌ అకౌంట్‌లో ఈ వీడియోను అప్‌లోడ్ చేశారు. ఈ ఇన్‌స్టాగ్రామ్ ఖాతాను పూజా దేవరాజ్, హర్షిత్ నిర్వహిస్తున్నారు. కాగా గూసి జాతికి చెందిన చిలుకలు దక్షిణ పసిఫిక్‌లో పుట్టాయి. అయితే సాధారణంగా చిలుకలు మనుషుల మాటలను అనుకరించగలవు. కొన్ని చిలుకలు పాటలు కూడా పాడగలవు. చిలుకల్లో ఐదేళ్ల పిల్లలకుండే సమానమైన తెలివితేటలుంటాయని నిపుణులు అంటున్నారు. మనుషుల నుంచి కొన్ని వందల పదాల వరకూ కూడా నేర్చుకోగలవంట.

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: