భారతదేశానికి ఆధునిక దంతవైద్యాన్ని,,, పరిచయం చేసిన వ్యక్తి-డాక్టర్ రఫియుద్దీన్ అహ్మద్

భారతదేశానికి ఆధునిక దంతవైద్యాన్ని,,,

పరిచయం చేసిన వ్యక్తి-డాక్టర్ రఫియుద్దీన్ అహ్మద్

భిన్నమతాలు, కులాల  సమహారం మన భారతదేశం. భారతదేశ పురోగతిలో అన్ని వర్గాల, మతాల వారి శ్రమ దాగివుంది. ఇందులో ఎలాంటి సందేహం అక్కర్లేదు. ఈ దేశానికి భారతీయ ముస్లింలు అనేక రంగాలలో సేవలందించారు. అలాంటి వారిలో డాక్టర్ రఫీయుద్దీన్ అహ్మద్ ఒకరు. భారతదేశానికి ఆదునిక దంత వైద్యాన్ని పరిచయం చేసిన మహానీయుడు. దేశంలో ఆధునిక దంత వైద్యం అందించిన ఆద్యుడు ఆయన.

2020 శతాబ్దం యొక్క మొదటి దశాబ్దం ఆరంభంలో, భారతదేశంలోని పశ్చిమ బెంగాల్‌లోని కోల్‌కతాలోని ఆర్. అహ్మద్ డెంటల్ కాలేజ్ యొక్క శతాబ్ది వార్షికోత్సవాన్ని జరుపుకొంటున్నది, ఇది భారతదేశం యొక్క "ఆధునిక దంతవైద్య పితామహుడు" డాక్టర్ రఫీయుద్దీన్ అహ్మద్ ద్వారా1920 సంవత్సరంలో స్థాపించబడింది. డాక్టర్ రఫియుద్దీన్ అహ్మద్ 1925లో ఇండియన్ డెంటల్ జర్నల్‌ను స్థాపించారు.

1946 వరకు ఎడిటర్‌గా పనిచేశారు. 1928లో డాక్టర్ రఫియుద్దీన్ అహ్మద్ “ఆపరేటివ్ డెంటిస్ట్రీలో విద్యార్థి హ్యాండ్‌బుక్‌”ను ప్రచురించారు. డాక్టర్ రఫియుద్దీన్ అహ్మద్ నిరంతర ప్రయత్నాల కారణంగా 1946 సంవత్సరం లో బెంగాల్ డెంటల్ అసోసియేషన్ ఏర్పడింది, తరువాత ఇది భారతీయ డెంటల్ అసోసియేషన్‌గా మార్చబడినది. డాక్టర్ రఫియుద్దీన్ అహ్మద్ తన వృత్తి జీవితంలో అనేక విజయాలు విజయాన్ని సాధించారు. అలీగఢ్ ముస్లిం విశ్వవిద్యాలయం నుండి గ్రాడ్యుఏషణ్ పూర్తి చేసిన తరువాత, డాక్టర్ రఫియుద్దీన్ అహ్మద్ 1915 లో USA లోని యువా యూనివర్సిటీ ఆఫ్ డెంటిస్ట్రీ Iowa School of dentistry, నుండి  DDS (డాక్టర్ ఆఫ్ డెంటల్ సర్జరీ) డిగ్రీని పొందారు. ప్రపంచ యుద్ధ సమయంలో బోస్టన్, మసాచుసెట్స్‌లో డాక్టర్ రఫియుద్దీన్ అహ్మద్ పిల్లల కోసం ఫోర్సిత్ డెంటల్ ఇన్ఫర్మరీ Forsyth Dental Infirmary లో పనిచేశారు. 1919 లో, డాక్టర్ రఫియుద్దీన్ అహ్మద్ కలకత్తాలో డెంటల్ ఇనిస్టిట్యూట్ ప్రారంభించడానికి భారతదేశానికి తిరిగి వచ్చాడు. ప్రారంభంలో, కళాశాల 1920 నుండి 1923 వరకు కేవలం పదకొండు మంది విద్యార్థులతో ప్రయోగాత్మకంగా నిర్వహించబడింది. డాక్టర్ రఫీయుద్దీన్  అహ్మద్ ఇతర అంకితభావంతో ఉన్న ఉపాధ్యాయులతో పాటు సైద్ధాంతిక మరియు ఆచరణాత్మక theoretical and practical విద్యను బోధించే బాధ్యతను తీసుకున్నారు. 1928 నాటికి, ఈ కళాశాల భారతదేశంలో శాస్త్రీయ దంత విద్య కోసం ఏర్పడిన వ్యవస్థీకృత సంస్థ.

1947 లో, డాక్టర్ రఫియుద్దిన్ అహ్మద్‌కు ఇంటర్నేషనల్ కాలేజ్ ఆఫ్ డెంటిస్ట్రీలో ఫెలోషిప్ లభించింది. అతను 1949 లో రాయల్ కాలేజ్ ఆఫ్ సర్జన్స్ ఆఫ్ ఇంగ్లాండ్ మరియు పియరీ ఫౌచర్డ్ అకాడమీ Pierre Fauchard Academy లో కూడా  ఫెలోషిప్ పొందారు. IDA వ్యవస్థాపకుడు కూడా అయిన డాక్టర్ రఫియుద్దిన్ అహ్మద్‌ బెంగాల్ ప్రభుత్వo లో  మంత్రి అయ్యారు మరియు 1962 వరకు వ్యవసాయ, సమాజ అభివృద్ధి, సహకారం, రిలీఫ్ అండ్ రిహబిలిటేషణ్ శాఖను నిర్వహించారు. డాక్టర్ రఫియుద్దిన్ అహ్మద్‌ వ్యక్తిత్వం శ్రేష్ఠతకు ప్రతిరూపం. డాక్టర్ రఫియుద్దిన్ అహ్మద్‌ జీవితమంతా సంఘసేవలో గడిచింది. దంతవైద్య రంగంలో అతని సహకారం గుర్తుంచుకోదగినది మరియు ప్రశంసించదగినది. డాక్టర్ రఫీయుద్దీన్ అహ్మద్ బహుముఖ ప్రజ్ఞాశాలి. డాక్టర్ రఫియుద్దిన్ కేవలం దంతవైద్యుడు మాత్రమే కాదు, ప్రచురణకర్త, సంపాదకుడు, అంకితభావం గల ఉపాధ్యాయుడు, మంత్రి, IDAకు ప్రెసిడెంట్  కూడా. 1964 లో డాక్టర్ రఫియుద్దీన్ అహ్మద్ భారత ప్రభుత్వం చే ప్రతిష్టాత్మక పద్మభూషణ్‌ అవార్డు తో సత్కరించబడ్డారు, డాక్టర్ రఫియుద్దీన్ అహ్మద్ భారత రిపబ్లిక్ యొక్క మూడవ అత్యున్నత పౌర పురస్కారం పద్మభూషణ్  పొందిన  మొదటి భారతీయ దంతవైద్యుడు.