పనితీరును మెరుగుపరచుకోవాలి -- సచివాలయ సిబ్బంది, వాలంటీర్ల జిల్లా కలెక్టర్ ప్రవీణ్ కుమార్ ఆదేశం

 పనితీరును మెరుగుపరచుకోవాలి

సచివాలయ సిబ్బంది, వాలంటీర్ల  జిల్లా కలెక్టర్ ప్రవీణ్ కుమార్ ఆదేశం

జిల్లా కలెక్టర్ ప్రవీణ్ కుమార్ ఆదేశం

(జానోజాగో వెబ్ న్యూస్-దోర్నాల ప్రతినిధి)

దోర్నాల మండలములోని దోర్నాల 2,3 సచివాలయాలను జిల్లా కలెక్టర్ ప్రవీణ్ కుమార్ మంగళవారం  అకస్మికంగా తనిఖీ చేశారు. ఆ రెండు సచివాలయాలలో సిబ్బంది హాజరు పట్టిక, వాలంటీర్ల హాజరు పట్టికలను నిశితంగా పరిశీలించారు. దోర్నాల-2 సచివాలయంలో రెండు నెలల నుంచి వాలంటీర్ల హాజరు పట్టికలో హాజరు నమోదు చేయకపోవడంపై కలెక్టర్ ఆగ్రహం వ్యక్తం చేశారు. జిల్లాలో విధులు నిర్వహిస్తున్న కొంతమంది సచివాలయ సిబ్బంది మరియు వాలంటీర్లు సక్రమంగా విధులకు హాజరు కావడం లేదని  గుర్తించి విచారించాలని ఎం పి డి ఓ ను కలెక్టర్ ఆదేశించారు. విధి నిర్వహాణలో లోపాలు ఉండడంపై సంబంధిత సచివాలయం పంచాయతీ కార్యదర్శికి షోకాజ్ నోటీస్ ఇవ్వాలని ఆయన చెప్పారు. సచివాలయంలోని సిబ్బంది, వాలంటీర్లు పనితీరు మెరుగుపరచుకోకపోతే క్రమశిక్షణా చర్యలు తప్పవని కలెక్టర్ హెచ్చరించారు. ప్రజలు మాస్క్ ధరించకుండా దోర్నాల మండలములో సంచరిస్తుంటే కనీసం అవగాహన కార్యక్రమాలు చేపట్డడంలేదని ఆయన అసహనం వ్యక్తం చేశారు. హాజరు పట్టికలో సంతకాలు లేకుండా విధులు నిర్వహిస్తున్నామని తెలిపే వాలంటీర్లకు వేతనాలు ఇచ్చేదిలేదని కలెక్టర్ తెలిపారు.

అధికారులు నిరంతరం సచివాలయాలను తనిఖీ చేయాలని ఆర్ డి ఓ, ఎంపిడిఓ లను కలెక్టరు ఆదేశించారు.  కోవిడ్ నిబంధనలు పాటించేలా ప్రజలను చైతన్యపరచాలని జిల్లా కలెక్టర్ చెప్పారు. దోర్నాల మండలం యడవల్లి గ్రామ సచివాలయాన్ని, పెద్దారవీడు, దేవరాజు గట్టు గ్రామ సచివాలయాలను ఆయన ఆకస్మిక తనిఖీ చేశారు. సిబ్బంది, వాలంటీర్ల హాజరు పట్టికలు అనుబంధ దస్త్రాలను ఆయన పరిశీలించారు.వాలంటీర్ల పనితీరు, సిబ్బంది పనితీరుపై వివరాలు అడిగితెలుసుకున్నారు. ప్రజలకు నిత్యం అందుబాటులో ఉండాలని ఆయన పలు సూచనలు చేశారు. ముఖ్యంగా సచివాలయాలు, రైతు భరోసా కేంద్రాలు, వై ఎస్ ఆర్ హెల్త్ క్లినిక్ ల భవన నిర్మాణాలు పరిశీలించాలని ఆయన చెప్పారు. వేగంగా పూర్తయ్యేలా నిరంతర పరిశీలన ఉండాలని ఆయన తెలిపారు. ఈ కార్యక్రమములో ఆయన వెంట మార్కాపురం ఆర్ డి ఓ లక్ష్మీశివజ్యోతి, దోర్నాల ఎంపిడిఓ మౌలాలి, తదితరులు పాల్గొన్నారు. 

✍️ రిపోర్టింగ్-షేక్ గౌస్ బాషా

జానో - జాగో వెబ్ న్యూస్-బ్యూరో చీఫ్

,,,,,,,,,,,,,,,,,,,,,,,,,,,,,,,

రాజకీయ..సామాజిక..సినిమా...రంగం ఏదైనా విశ్లేషణాత్మక కథనాలు కోసం jaanojaago tv నీ Subscribe చేసుకోండి