కొత్త ఫ్యూచర్లతో,, రెడ్‌మీ కొత్త ల్యాప్‌టాప్‌లు ,,, లేటెస్ట్ ప్రాసెసర్‌తో లాంచ్!

 కొత్త ఫ్యూచర్లతో

రెడ్‌మీ కొత్త ల్యాప్‌టాప్‌లు 

లేటెస్ట్ ప్రాసెసర్‌తో లాంచ్..!

స్మార్ట్ ఫోన్ రంగంలో తనదైన శైలీలో దూసుకెళ్లిన రెడ్ మీ సంస్థ కొత్త ఫ్యూచర్లతో, లేటెస్ట్ ప్రాసెసర్లతో తన కొత్త ల్యాప్ ట్యాప్ లను లాంచ్ చేసింది. రెడ్‌మీ బుక్ ప్రో 14, రెడ్ మీ బుక్ ప్రో 15 ల్యాప్‌టాప్‌లు కొత్త ప్రాసెసర్లతో మళ్లీ లాంచ్ అయ్యాయి. ఇవే ల్యాప్‌టాప్‌లు మూడు నెలల క్రితం ఇంటెల్ ప్రాసెసర్లతో లాంచ్ అయ్యాయి. ఇప్పుడు తీసుకొచ్చిన ల్యాప్‌టాప్‌ల్లో ఏఎండీ రైజెన్ 5, రైజెన్ 7 ప్రాసెసర్లను అందించారు. వీటిలో ఫుల్ హెచ్‌డీ డిస్‌ప్లేను అందించారు. డీటీఎస్ ఆడియో, యూఎస్‌బీ టైప్-సీ పోర్టులను కూడా ఇందులో అందించారు. పవర్ బటన్‌లో ఫింగర్ ప్రింట్ సెన్సార్‌ను ఇందులో అందించారు. విండోస్ 10 హోం ఎడిషన్‌పై ఈ ల్యాప్‌టాప్‌లు అందించారు.

రెడ్‌మీబుక్ ప్రో 14 రైజెన్ ఎడిషన్ ధర

ఇందులో రైజెన్ 5 వేరియంట్ ధర 4,499 యువాన్లుగా(సుమారు రూ.51,200) ఉంది. రైజెన్ 7 వేరియంట్ ధరను 4,999 యువాన్లుగా(సుమారు రూ.56,900) నిర్ణయించారు. గ్రే కలర్‌లో వీటిని కొనుగోలు చేయవచ్చు.

 

రెడ్‌మీ బుక్ ప్రో 15 రైజెన్ ఎడిషన్ ధర

రెడ్‌మీ బుక్ ప్రో 15లో రైజెన్ 5 వేరియంట్ ధర 4,999 యువాన్లుగా(సుమారు రూ.56,900) నిర్ణయించారు. రైజెన్ 7 వేరియంట్ ధర 5,499 యువాన్లుగా(సుమారు రూ.62,900) నిర్ణయించారు. ఇది కూడా గ్రే కలర్‌లోనే అందుబాటులో ఉంది.

ఆండ్రాయిడ్ 12లో అదిరే ఫీచర్లు.. పవర్ బటన్ లాంగ్ ప్రెస్ చేస్తే!

రెడ్‌మీ బుక్ ప్రో 14 రైజెన్ ఎడిషన్ స్పెసిఫికేషన్లు

ఇందులో 14 అంగుళాల డిస్‌ప్లేను అందించారు. పిక్సెల్ రిజల్యూషన్ 2,560x1,600గా ఉండగా, యాస్పెక్ట్ రేషియో 16:10గా ఉంది. రైజెన్ 5 5500యూ లేదా రైజెన్ 7 5700యూ ప్రాసెసర్‌లను ఇందులో అందించారు. 16 జీబీ డీడీఆర్4 ర్యామ్, 512 జీబీ ఎస్ఎస్‌డీ స్టోరేజ్ ఇందులో ఉండనుంది. ఇక కనెక్టివిటీ విషయానికి వస్తే.. రెండు యూఎస్‌బీ టైప్-సీ పోర్టులు, రెండు యూఎస్‌బీ టైప్‌-ఏ పోర్టులు, ఒక హెచ్‌డీఎంఐ పోర్టు, 3.5 ఎంఎం హెడ్ ఫోన్ జాక్ ఇందులో ఉన్నాయి. వైఫై 6, బ్లూటూత్ వీ5.1 ఫీచర్లు కూడా ఇందులో అందించారు. ఇందులో రెండు 2W స్పీకర్లు ఉన్నాయి. వీటిలో డీటీఎస్ ఆడియో ఫీచర్ కూడా ఉండనుంది. ఇందులో 56Whr బ్యాటరీ ఉండనుంది. 65W ఫాస్ట్ చార్జింగ్‌ను కూడా ఇది సపోర్ట్ చేయనుంది. దీని మందం 1.72 సెంటీమీటర్లుగానూ, బరువు 1.4 కేజీలుగానూ ఉంది.

రెడ్‌మీ బుక్ ప్రో 15 రైజెన్ ఎడిషన్ స్పెసిఫికేషన్లు

ఇందులో 15.6 అంగుళాల డిస్‌ప్లేను అందించారు. పిక్సెల్ రిజల్యూషన్ 3,200x2,000గా ఉండగా, యాస్పెక్ట్ రేషియో 16:10గా ఉంది. రైజెన్ 5 5600హెచ్ లేదా రైజెన్ 7 5800హెచ్ ప్రాసెసర్‌లను ఇందులో అందించారు. 16 జీబీ డీడీఆర్4 ర్యామ్, 512 జీబీ ఎస్ఎస్‌డీ స్టోరేజ్ ఇందులో ఉండనుంది. దీంతోపాటు రేడియోన్ ఏఎండీ గ్రాఫిక్స్ అందించారు.

ఇక కనెక్టివిటీ విషయానికి వస్తే.. యూఎస్‌బీ టైప్-సీ, యూఎస్‌బీ టైప్‌-ఏ, హెచ్‌డీఎంఐ పోర్టు, 3.5 ఎంఎం హెడ్ ఫోన్ జాక్ ఫీచర్లు ఇందులో కూడా ఉన్నాయి. ఇక వైఫై 6, బ్లూటూత్ వీ5.1 ఫీచర్లు కూడా ఇందులో ఉన్నాయి. ఇందులో రెండు 2W స్పీకర్లు ఉన్నాయి. వీటిలో కూడా డీటీఎస్ ఆడియో ఫీచర్ ఉండనుంది. ఇందులో 70Whr బ్యాటరీ ఉండనుంది. 100W ఫాస్ట్ చార్జింగ్‌ను కూడా ఇది సపోర్ట్ చేయనుంది. దీని మందం 1.79 సెంటీమీటర్లుగానూ, బరువు 1.8 కేజీలుగానూ ఉంది.

,,,,,,,,,,,,,,,,,,,,,,,,,,,,,,

రాజకీయ..సామాజిక..సినిమా...రంగం ఏదైనా విశ్లేషణాత్మక కథనాలు కోసం jaanojaago tv నీ Subscribe చేసుకోండి