క్రిస్టియన్ మైనారిటీలకు డిప్యూటీ మేయర్, వైస్ చైర్మన్ గా...

అవకాశం కల్పించాలి 

- క్రిస్టియన్ జేఏసీ డిమాండ్

(జానోజాగో వెబ్ న్యూస్-కర్నూలు జిల్లా ప్రతినిధి)

రాష్ట్రంలో జరిగిన స్థానిక సంస్థల ఎన్నికలలో విజయం పొందిన క్రిస్టియన్ మైనారిటీ అభ్యర్థులకు రెండవ డిప్యూటీ మేయర్, వైస్ చైర్మన్, కో ఆప్షన్ మెంబర్స్ గా అవకాశం కల్పించి సరైన సముచిత స్థానాన్ని క్రిస్టియన్ మైనార్టీలకు కల్పించాలని రాష్ట్రంలో 13 జిల్లాల లో అవకాశం ఉన్న చోట ప్రాధాన్యతను ఇవ్వాలని క్రిస్టియన్ జేఏసీ నాయకులు స్థానికంగా ఎస్పీజీ పెద్ద చర్చి సెంటర్ క్రిస్టియన్ లైబ్రరీలో ఏర్పాటుచేసిన విలేకరుల సమావేశంలో కోరారు. నగరపాలక సంస్థల్లో రెండవ డిప్యూటీ మేయర్, మున్సిపల్ కార్పొరేషన్ లో వైస్ చైర్మన్ పదవులను కల్పించి క్రిస్టియన్ మైనారిటీలకు సముచిత న్యాయం చేయాలన్నారు, రెండవ డిప్యూటీ చైర్మన్,వైస్ చైర్మన్, జీవో తేచ్చినందుకు ఆంధ్రప్రదేశ్ రాష్ట్ర ముఖ్యమంత్రికి ప్రత్యేక కృతజ్ఞతలు తెలిపారు, క్రైస్తవు మైనారిటీల్లో అన్ని రంగాలలో ముందుండి ప్రభుత్వానికి అండగా నిలబడుతున్నారని కానీ క్రైస్తవులకు సముచిత న్యాయం జరగడం లేదని బాధను వ్యక్తం చేశారు.
ఇప్పటికైనా క్రైస్తవ మైనారిటీలను గుర్తించి ప్రోత్సహించాలని, క్రిస్టియన్ జాయింట్ యాక్షన్ కమిటీ పేర్కొన్నారు. అన్ని పార్టీల నాయకులు, క్రైస్తవ ప్రముఖులు ఈ సమావేశంలో  పాల్గొన్నారు. రాష్ట్రంలో క్రైస్తవులు చనిపోతే పూడ్చుకునేందుకు సరైన బరియల్ గ్రౌండ్ లేక ఇబ్బందులు పడుతున్నారని అలాగే వివాహాలు చేసుకునేందుకు కమ్యూనిటీ హాల్ నిర్మించి ఇవ్వాలని వారు కోరారు. ఈ సందర్భంగా గుడ్ ఫ్రైడేను పురస్కరించుకొని ప్రతి క్రైస్తవుడు కోవిడ్-19 కరోనా నియమాలను పాటిస్తూ భక్తిశ్రద్ధలతో గుడ్ ఫ్రైడే, ఈస్టర్ ఆరాధనలు జరుపుకోవాలని క్రిస్టియన్ జాయింట్ యాక్షన్ కమిటీ క్రైస్తవులకు పిలుపునిచ్చింది. క్రిస్టియన్ జాయింట్ యాక్షన్ కమిటీ క్రైస్తవులను చైతన్య పరుస్తూ వారి హక్కులు, ఆస్తులను పరిరక్షించుకునేందుకు ఒక గొప్ప వేదికగా నిలబడిందని వారు గుర్తు చేశారు. ఏప్రిల్ 13న మంగళవారం క్రిస్టియన్ జేఏసి ఎగ్జిక్యూటివ్ కమిటీ మీటింగ్ ఏర్పాటు చేసి క్రైస్తవ సమస్యలు తెలుసుకొని క్రిస్టియన్ జాయింట్ యాక్షన్ కమిటీ ఆధ్వర్యంలో సమస్యలు పరిష్కరించన్నునట్లు క్రిస్టియన్ జేఏసీ నాయకులు తెలిపారు, ఈ కార్యక్రమానికి క్రిస్టియన్ జాయింట్ యాక్షన్ కమిటీ రాష్ట్ర అధ్యక్షులు, కోశాధికారి, ప్రధాన కార్యదర్శి, సలహాదారులు హాజరై సంయుక్తంగా ఒక ప్రకటన విడుదల చేస్తూ త్వరలోనే తెలంగాణ ఆంధ్రప్రదేశ్ రాష్ట్రాలలోనూ,అన్ని మండల, జిల్లాస్థాయిలో కమిటీలను ఏర్పాటు చేసి ఒక కార్యాచరణ రూపొందించుకుని క్రైస్తవ సమస్యలపై పోరాటం చేస్తామని తెలియపరిచారు.

,,,,,,,,,,,,,,,,,,,,,,,,,,,,,,,,

రాజకీయ..సామాజిక..సినిమా...రంగం ఏదైనా విశ్లేషణాత్మక కథనాలు కోసం jaanojaago tv నీ Subscribe చేసుకోండి 

 

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: