హత్య కేసులో ముద్దాయిల అరెస్ట్ 

హత్య కేసులో అరెస్ట్ అయిన ముద్దాయిలు 

(జానోజాగో వెబ్ న్యూస్-కర్నూలు జిల్లా ప్రతినిధి) 

నంద్యాల పట్టణం ఎన్జీఓ కాలనీ రామాలయం వద్ద ఈ నెల 24వ తేదీ సాయంతం జరిగిన మారెడ్డి రాజశేఖర్ హత్య కేసులో నిందితులను అరెస్ట్ చేసినట్లు నంద్యాల డిఎస్పీ చిదానందరెడ్డి తెలిపారు. మంగళవారం 2వ పట్టణ పోలీస్ స్టేషన్ లో నిర్వహించిన విలేకరుల సమావేశంలో ఆయన మాట్లాడుతూ మృతి చెందిన బుక్కపురం రాజశేఖర్ అదే మండలమునకు చెందిన సంజీవ్ కుమార్ లు మంచి స్నేహితులని, వ్యాపార లావాదేవీలలో వచ్చిన మనస్పర్థల వల్లే ఈ హత్య జరిగిందని ఆయన వివరించారు. మృతుని హత్యకు పథకం చేసి, మూకుమ్మడిగా మారణాయుదాలతో ఆతి కిరాతకంగా నరికి, పొడిచి, రాడ్డుతో మోది అక్కడికక్కడే చంపి పడేశారని వివరించారు.
హత్య కోసం వాడిన మారణాయుధాలు
ఈ కేసులో ముద్దాయిలు మహానంది మండలం అల్లినగర్ కు చెందిన రాగినేని సంజీవ్ కుమార్, నంద్యాల పట్టణం ఇస్లాం పేటకు చెందిన షేక్ మాలిక్ బాష, దేవనగర్ కు చెందిన మదన గోపాల్, పల్లవ శివరాజు, సరస్వతి నగర్ కు చెందిన కల్యాణ్, లలితనగర్ కు చెందిన రమేశ్ లను అరెస్ట్ చేశామని, మరొక వ్యక్తి పరారీలో ఉన్నాడన్నారు. ఇనుప రాడ్డు, కత్తి, పిడిబాకులను హత్యకు ఉపయోగించారని, వాటిని స్వాధీనం చేసుకున్నట్లు డిఎస్పీ తెలిపారు. నంద్యాల 2 టౌన్ ఇన్స్పెక్టర్ కంటగిరి రాముడు సలీం నగర్ లోని సాయివాణి ఆసుపత్రి వద్ద అరెస్టు చేయడం జరిగిందన్నారు.

 ,,,,,,,,,,,,,,,,,,,,,,,,,,,,,,,,

రాజకీయ..సామాజిక..సినిమా...రంగం ఏదైనా విశ్లేషణాత్మక కథనాలు కోసం jaanojaago tv నీ Subscribe చేసుకోండి 

Axact

Jaano Jaago

ఆన్‌లైన్ తాజా తెలుగు వార్తలు తెలంగాణ మరియు ఆంధ్రప్రదేశ్ | jaanojaago.com

Post A Comment:

0 comments: