TRENDING NOW

 "నాడు-నేడు"పనులు త్వరితగతిన పూర్తి చేయాలి

గడివేముల ఎంఈఓ రామకృష్ణుడు

 (జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా గడివేముల పరిధిలోని స్థానిక ఎం.ఈ.ఓ రామకృష్ణుడు కస్తూర్బా గాంధీ బాలికల పాఠశాలలో జరుగుతున్న నాడు నేడు పనులను పరిశీలించారు, పనులు వేగవంతం చేయాలని స్పెషల్ ఆఫీసర్ రూబీన గారికి సూచించారు. అనంతరం మోడల్ స్కూల్ లో  మధ్యాహ్న భోజన పథకాన్ని పరిశీలించారు, ఈ సందర్భంగా ఆయన  మాట్లాడుతూ విద్యార్థులకు పౌష్టిక ఆహారం  అందించాలనే ఉద్దేశంతో ప్రభుత్వం నూతన మెనూను ఆవిష్కరించిందని, నూతన మెనూ ప్రకారమ,  నాణ్యమైన మరియు రుచికరమైన భోజనాన్ని విద్యార్థులకు అందించాలని మధ్యాహ్న భోజన పథక నిర్వాహకులకు సూచించారు.


అనంతరం ఎంఈఓ కార్యాలయంలో జరిగిన ప్రధానోపాధ్యాయుల సమావేశంలో మాట్లాడుతూ"నాడు-నేడు" పనులలో పురోగతి ఉండాలని అలాగే విద్యార్థులకు అందించిన జగనన్న విద్యా కానుక కిట్ల యొక్క బయోమెట్రిక్ ఐడెంటికేషను రేపు సాయంత్రం లోగా పూర్తి చేయాలని,ఈరోజు అందిస్తున్న టిఎఆర్ఎల్ మెటీరియల్ ను ఉపయోగించి విద్యార్థులకు సరళమైన పద్ధతుల్లో విద్యను బోధించాలని, సంబంధిత మార్కులను ఎప్పటికప్పుడు ఆన్లైన్లో అప్లోడ్ చేయాలని సూచించారు. ఈ కార్యక్రమంలో మండలంలోని పాఠశాలల ప్రధానోపాధ్యాయులు పాల్గొన్నారు.



 

 "జగన్ హఠావో-బుర్కా బచావో" అనే నినాదాలతో 

నంద్యాల జిల్లా కలెక్టర్ ఆఫీసు వద్ద ధర్నా నిర్వహించిన. టిడిపి మైనార్టీ సెల్

 (జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా స్థానిక జిల్లా కలెక్టర్ కార్యాలయం ముందు "జగన్ హటావో- బుర్కా బచావో" అనే నినాదాలతో తెలుగుదేశం పార్టీ మైనార్టీ సెల్ ఆధ్వర్యంలో ధర్నా నిర్వహించారు. వివరాలలోకి వెళితే పశ్చిమగోదావరి జిల్లా నర్సాపురంలో రాష్ట్ర ముఖ్యమంత్రి వైఎస్ జగన్మోహన్ రెడ్డి బహిరంగ సభకు ముస్లిం మైనారిటీల మహిళల కు నల్ల బుర్కాలు మరియు నల్ల చున్నీలు తొలగించి సభా ప్రాంగణంలోకి పంపించారని, ముమ్మాటికి మైనారిటీ మహిళలకు మరియు యావత్తు మహిళాలోకానికి జరిగిన అవమానమని,ఈ విషయంలో రాష్ట్ర తెలుగుదేశం పార్టీ మైనార్టీ సెల్ ఆదేశాల మేరకు ధర్నా నిర్వహిస్తున్నామని తెలిపారు. ఈ కార్యక్రమంలో రాష్ట్ర మైనార్టీ సెల్ కార్యదర్శి ఎస్ ఏ ఫరూక్,నంద్యాల పార్లమెంట్ మైనార్టీ సెల్ అధ్యక్షులు కరిముల్లా, నంద్యాల టిడిపి అధ్యక్షులు ఖలీల్ అహ్మద్, ముస్లిం మైనార్టీ నాయకులు,కార్యకర్తలు పాల్గొన్నారు.

 



 మహాత్మ జ్యోతిరావు పూలే విగ్రహానికి ఘన నివాళులర్పించిన

బీసీ,ఎస్సీ,ఎస్టీ,మైనార్టీ విద్యార్థి యువజన సంఘం జిల్లా ఆర్గనైజింగ్ సెక్రటరీ పాలుట్ల రమణ

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా స్థానిక ఆత్మకూరు పట్టణంలో సంగమేశ్వర సర్కిల్లో ఉన్న మహాత్మ జ్యోతిరావు పూలే 132 వ వర్ధంతి సందర్భంగా విగ్రహానికి బీసీ,ఎస్సీ,ఎస్టీ,మైనారిటీ విద్యార్థి యువజన సంఘం జిల్లా ఆర్గనైజింగ్ సెక్రటరీ పాలుట్ల రమణ పూలమాలలు వేసి ఘననివాళులు అర్పించారు. ఈ సందర్భంగా ఆయన మాట్లాడుతూ సామాజిక కార్యకర్తగా,మేధావిగా,కుల వ్యతిరేక సామాజిక సంస్కర్తగా,రచయితగా కులం పేరుతో తరతరాలుగా అణిచివేతకు గురైన పేద, బడుగు,బలహీన వర్గాల ప్రజలకు ఆత్మ ధైర్యం కల్పించి వారి హక్కుల కోసం పోరాడి వారి స్వేచ్ఛకు కృషి చేసిన మహానీయుడుపూలే గారని అతను భారతదేశంలో కుల విపక్షకు వ్యతిరేకంగా కోట్లాది ప్రజానీకం కోసం పేద,అంటరాని ప్రజల హక్కుల కోసం కృషి చేసిన మహనీయుడని కొనియాడారు.ఈ కార్యక్రమంలో విద్యార్థి సంఘం నాయకులు రాజేష్,వంశీ, సురేష్, వేణు, తదితరులు పాల్గొన్నారు.


 నిమోనియా(ఆస్తమా) పట్ల జాగ్రత్తగా ఉండండి

గడివేముల పి హెచ్ సి డాక్టర్ తేజస్విని

(జానో జాగో వెబ్ న్యూస్-నంద్యాల జిల్లా ప్రతినిధి)

గడివేముల మండల ప్రజలకు నిమోనియా (ఆస్తమా)పట్ల జాగ్రత్తగా ఉండాలని స్థానిక ప్రభుత్వ ఆసుపత్రి డాక్టర్ తేజస్విని తెలిపారు. ప్రస్తుతం చలి తీవ్రత ఎక్కువగా ఉన్నందున ఉదయం మరియు రాత్రి సమయాలలో కొంతమంది చిన్న పిల్లలకు మరియు వృద్ధులకు శ్వాస తీసుకోవడం చాలా ఇబ్బందికరంగా ఉంటుందని,చల్లటి పానీయాలు తీసుకోవడం వల్ల,చల్లని ప్రదేశాలలో ఎక్కువగా తిరగడం వల్ల కొంతమంది చిన్నపిల్లలకు మరియు వృద్ధులకు ఊపిరితిత్తులకు నిమ్ము(నీరు) వస్తుందని,అలా రావడం వల్ల శ్వాస తీసుకోవడం చాలా ఇబ్బందికరంగా ఉంటుందని,అలాంటి పరిస్థితుల్లో తక్షణమే ప్రభుత్వ వైద్యశాలకు తీసుకుని వచ్చి శ్వాసకోస ఇబ్బందికి తగు చికిత్స చేయించుకోవాలని,


నిమోనియా(ఆస్తమా)తో బాధపడేవారు ఉదయం ఏడు గంటలు దాటిన తర్వాత రాత్రి ఎనిమిది గంటల లోపల మాత్రమే ప్రయాణాలు చేసి నిమోనియా(ఆస్తమా)  బారిన పడకుండా జాగ్రత్తగా ఉండాలని, తప్పనిసరి పరిస్థితులలో బయటకు వెళ్ళవలసి వస్తే తగు జాగ్రత్తలు తీసుకుని బయటికి వెళ్లాలని సూచించారు.గడివేముల మండలంలోని ప్రభుత్వ ఆసుపత్రి 24 గంటలు పని చేస్తుందని,వైద్య సేవలు అందించడానికి వైద్యసిబ్బంది ఎల్లప్పుడు సిద్ధంగా ఉంటుందని, ప్రజల ఆరోగ్య భద్రతే మా ప్రధమ లక్ష్యమని ప్రభుత్వ వైద్యాధికారిని డాక్టర్ తేజస్విని తెలిపారు.

నిర్ణీత సమయంలోపే వ్యాపారాలు చేసుకోవాలి

ఫలక్ నూమా సీ.ఐ.దేవేందర్

(జానో జాగో వెబ్ న్యూస్-హైదరాబాద్ ప్రతినిధి)

నిర్ణీత సమయంలోపే వ్యాపార కార్యకలాపాలు నిర్వహించాలని వ్యాపార వర్గాలను ఉద్దేశించి ఫలక్ నూమా సీ.ఐ. దేవేందర్ అన్నారు. ప్రజలు, వ్యాపారస్తులతో ఫ్రెండ్లీ పోలీస్ గా తాము వ్యవహరిస్తున్నామన్నారు. కానీ నిబంధనల ఉల్లంఘనలలను ఏ మాత్రం సహించబోమని ఆయన స్పష్టంచేశారు. తమ పోలీస్ స్టేషన్ పరిధిలో మాత్రం వ్యాపారాలు నిర్ణీత సమయపాలనలోనే కొనసాగుతున్నాయని సీఐ దేవేంద్ వెల్లడించారు. ఇదే పద్దతిని వ్యాపారులందరూ మున్ముందు కూడా కొనసాగించాలని ఆయన సూచించారు. ఎక్కడైనా నిర్ణీత సమయాన్ని దాటి వ్యాపారాలు  చేసినట్లు  తెలిస్తే అట్టి వారిపై చట్టపరమైన చర్యలు తీసుకొంటామన్నారు. ఈ విషయాన్ని వ్యాపారులందరూ పరిగణనలోనికి తీసుకోవాలని ఆయన కోరారు. 

 గిన్నిస్ బుక్ లో బీసీసీఐ


ఇటీవల చారిత్రాత్మక  టీ20 మ్యాచ్ ను బీసీసీఐ ప్రతిష్టాత్మకంగా నిర్వహించింది. దీంతో భారత క్రికెట్ కంట్రోల్ బోర్డు (బీసీసీఐ) గిన్నిస్ బుక్ ఆఫ్ వరల్డ్ రికార్డ్స్ లో స్థానం సంపాదించింది. బీసీసీఐ నిర్వహించిన ఓ టీ20 మ్యాచ్ కు అత్యధిక సంఖ్యలో ప్రేక్షకులు హాజరుకావడం గిన్నిస్ బుక్ లోకి ఎక్కింది. ఐపీఎల్-2022 సీజన్ లో గుజరాత్ టైటాన్స్, రాజస్థాన్ రాయల్స్ జట్ల మధ్య ఫైనల్ మ్యాచ్ అహ్మదాబాద్ లోని నరేంద్ర మోదీ స్టేడియంలో జరిగింది. గత మే 29న ఈ మ్యాచ్ జరగ్గా, అక్షరాలా 1,01,566 మంది హాజరయ్యారు. ఇప్పటివరకు ఇదే అత్యధిక హాజరు. ఈ రికార్డును గిన్నిస్ బుక్ యాజమాన్యం గుర్తించింది. ఈ మేరకు గిన్నిస్ బుక్ ప్రతినిధి నుంచి బీసీసీఐ కార్యదర్శి జై షా ధ్రువీకరణ పత్రం అందుకున్నారు.

 రోడ్డు ప్రమాదంలో భారతీయ విద్యార్థి మృతి


కెనాడలో భారతీయ విద్యార్థి దుర్మరణం చెందాడు.  కెనడాలో ఉన్నత విద్యాభ్యాసం కోసం వెళ్లిన ఓ భారతీయ విద్యార్థి రోడ్డు ప్రమాదంలో మృతి చెందాడు. మరణించిన విద్యార్థి పేరు కార్తీక్ సైనీ. 2021 ఆగస్టులో కెనడా వచ్చాడు. 20 ఏళ్ల సైనీ కెనడాలోని షెరిడియన్ కాలేజీలో చదువుతున్నాడు.  ఇదిలావుంటే టొరంటో నగరంలో సైకిల్ పై వెళుతుండగా, ఓ రోడ్డు దాటే యత్నంలో వేగంగా వస్తున్న ట్రక్కు ఢీకొట్టింది. ట్రక్కు సైకిల్ తో పాటు కార్తీక్ సైనీని కూడా ఈడ్చుకుపోయింది. దాంతో అక్కడికక్కడే మరణించినట్టు తెలుస్తోంది. గత బుధవారం సాయంత్రం ఈ ఘటన జరిగిందని స్థానిక పోలీసులు ఓ ప్రకటనలో వెల్లడించారు. 

ఈ ఘటనతో హర్యానాలోని కర్నాల్ లో కార్తీక్ సైనీ కుటుంబంలో విషాదం నెలకొంది. దీనిపై కార్తీక్ సైనీ బంధువు ప్రవీణ్ సైనీ స్పందిస్తూ, వీలైనంత త్వరలో కార్తీక్ మృతదేహం కెనడా నుంచి భారత్ చేరుకుంటుందని భావిస్తున్నామని తెలిపారు. కాగా, ఈ ఘటనపై కేసు నమోదు చేసుకున్న టొరంటో పోలీసులు దర్యాప్తు ప్రారంభించారు.

 ఆ పరిస్థితి మా ప్రభుత్వంలో లేదు


ప్రభుత్వంలో అవినీతి జరిగితే ఉద్యోగులు, ముఖ్యమంత్రి తలదించుకోవాల్సి ఉంటుందని మంత్రి బొత్స సత్యనారాయణ అన్నారు. అయితే తమ ప్రభుత్వంలో ఆ ఇబ్బంది లేదని పేర్కొన్నారు. వైసీపీ పాలనలో ఉద్యోగులు, సీఎం తలదించుకునే పరిస్థితి లేదని వ్యాఖ్యానించారు. ఇదిలావుంటే గ్రామ, వార్డు సచివాలయ ఉద్యోగుల రాష్ట్రస్థాయి ప్రథమ మహా జనసభ నేడు విజయవాడలోని తుమ్మలపల్లి కళాక్షేత్రంలో జరిగింది. ఈ సభకు ముఖ్య అతిథులుగా మంత్రులు బొత్స సత్యనారాయణ, ఆదిమూలపు సురేశ్ హాజరయ్యారు. ఏపీజేఏసీ అమరావతి చైర్మన్ బొప్పరాజు, ఉద్యోగ సంఘాల నేతలు కూడా హాజరయ్యారు. మంత్రి బొత్స మాట్లాడుతూ

ఉద్యోగుల పట్ల ప్రభుత్వానికి వ్యతిరేకత లేదని బొత్స అన్నారు. ఏ అంశం అయినా కూర్చుని పరిష్కరించుకోవాలన్నదే తన విధానం అని స్పష్టం చేశారు. సర్వీస్ రూల్స్ సహా ఏమైనా సమస్యలు ఉంటే ప్రభుత్వం దృష్టికి తీసుకురావాలని ఉద్యోగులకు సూచించారు. గ్రామ, వార్డు సచివాలయ ఉద్యోగుల సమస్యలను జీఓఎంలో చర్చించి పరిష్కరిస్తామని బొత్స హామీ ఇచ్చారు. అవసరమైతే కాళ్లు పట్టుకుని అయినా సమస్య పరిష్కరించుకునే నేర్పు ఉద్యోగ సంఘాలకు ఉండాలని అభిప్రాయపడ్డారు. సమస్యల పరిష్కారంలో సామ, దాన, భేద, దండోపాయాలు సహజమేనని అన్నారు. అయితే ఉద్యోగ సంఘాలు నేరుగా దండోపాయాన్ని అవలంబించడం సరికాదని హితవు పలికారు. సమస్యల పరిష్కారానికి మంత్రుల కమిటీ అండగా ఉంటుందని తెలిపారు. 

మంత్రి ఆదిమూలపు సురేశ్ మాట్లాడుతూ... గ్రామ, వార్డు సచివాలయాల్లో 500కి పైగా సేవలు అందిస్తున్నట్టు తెలిపారు. ఉద్యోగులకు స్వచ్ఛమైన సర్వీస్ రూల్స్ తో పదోన్నతులు కల్పిస్తామని చెప్పారు. ప్రమోషన్లు ఇచ్చేందుకు రోడ్ మ్యాప్ సిద్ధమవుతోందని అన్నారు. శానిటేషన్ ఉద్యోగులకు త్వరలోనే వారాంతపు సెలవు మంజూరు చేస్తామని మంత్రి ఆదిమూలపు వివరించారు.

ప్రభుత్వ కార్యాలయాల సైన్ బోర్డులపై...కొత్త జిల్లాపేరు ఎక్కడా

పాత జిల్లా పేరుతోనే బోర్డులు 

గడివేముల మండల అధికారుల నిర్లక్ష్యానికి...మచ్చుతునకలు

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా  గడివేముల మండల పరిధిలో విధులు నిర్వహిస్తున్న ప్రభుత్వ అధికారుల పనితీరుకు నిర్లక్ష్యానికి అద్దం పడుతున్నాయి. వివరాలలోకి వెళ్తే స్థానిక మండల ప్రజా పరిషత్ కార్యాలయం,తహసిల్దార్ కార్యాలయం, ఎంఈఓ కార్యాలయం, ప్రభుత్వ వైద్యశాల, భావితరానికి విద్యాబుద్ధులు నేర్పించే పాఠశాల లకు ఉన్నతాధికారులు, అధికారులు, ఆఫీసులకు ఉద్యోగరీత్యా వచ్చి విధులు నిర్వహించి సాయంకాలం వెళుతుంటారు.కానీ ఉద్యోగాలకు వచ్చే ఉన్నతాధికారులకు, అధికారులకు మాత్రం వారు పనిచేస్తున్న ఆఫీసులకు మొదట కనిపించే కార్యాలయాల పై ఉన్న సైన్ బోర్డులలో కర్నూలు జిల్లా పేరు ను మాత్రం చూసి చూడనట్లు వెళ్తుంటారు.


ప్రభుత్వ అధికారులు పనిచేయు కార్యాలయాల పై ఉన్న బోర్డులకు మాత్రం నేటికీ కర్నూలు జిల్లా పేరునే కొనసాగిస్తున్నారు. గడివేముల మండలం నంద్యాల జిల్లా లోకి మారి సంవత్సర కాలమైన నేటికి గడివేముల మండలంలో ప్రభుత్వ కార్యాలయాల పై ఉన్న సైన్ బోర్డులపై మాత్రం అధికారులు చొరవ చూపకపోవడంతో నేటికీ కర్నూలు జిల్లా పేరు దర్శనమిస్తున్నాయి. ప్రభుత్వ ఉన్నతాధికారులు, అధికారులు ప్రతినిత్యం కార్యాలయాలకు విధులు నిర్వహించడానికి వస్తు కార్యాలయాలపై ఉన్న సైన్ బోర్డులను చూస్తూ కూడా వాటిపై ఉన్న కర్నూలు జిల్లా పేరును తొలగించి నంద్యాల జిల్లా పేరును మార్చలేనంత  అధికారులు పనులు చేస్తున్నారని, ప్రభుత్వ కార్యాలయాలకు  వివిధ గ్రామాల

నుండి వారి పనుల నిమిత్తం వచ్చే ప్రజలు నేటికీ గడివేముల మండలం కర్నూలు జిల్లాలో ఉందా  లేక నంద్యాల జిల్లాలో ప్రభుత్వఅధికారులు విధులు నిర్వహిస్తున్నారా అ


ని చర్చించుకుంటున్నారు.

 మరి నువ్వు చంద్రబాబు దగ్గర ఏంచేస్తున్నావు


జనసేన పార్టీ అధినేత పవన్ కల్యాణ్ వైసీపీ నేతలపై తీవ్రస్థాయిలో విమర్శలు చేయడంపై మాజీ మంత్రి పేర్ని నాని స్పందించారు. పవన్ నిన్న మా వాళ్లు తూర్పు కాపులను పిలిచి సమావేశం ఏర్పాటు చేశాడని, బొత్స సత్యనారాయణకు మీరు ఓటు వేస్తే ఆయన ఏంచేశాడని అంటున్నాడని, సీఎం జగన్ వద్ద నోరుమూసుకుని ఉంటున్నాడని విమర్శించాడని పేర్ని నాని మండిపడ్డారు. 

బొత్స సరే... మరి నువ్వు చంద్రబాబు దగ్గర ఏంచేస్తున్నావు? నోరు మూసుకుని ఉండలేదా? అని నిలదీశారు. "మేం ఒక పార్టీని నమ్ముకున్నాం... నేను, బొత్స గారు, అప్పలనరసయ్య, అప్పలనాయుడు వైసీపీలో ఉన్నాం. వైఎస్సార్ కుమారుడు జగన్ మా నాయకుడు... మాది వైఎస్సార్ కాంగ్రెస్ పార్టీ. మరి తమరెవరు? మా వాడివే! మీ పార్టీ ఏమిటి... జనసేన పార్టీ... అధ్యక్షులు ఎవరు... తమరే! కానీ తమరు ఎవరికి వంత పాడుతున్నారు, ఎవరి దగ్గర చేతులు కట్టుకుని నిల్చుంటున్నారు... చంద్రబాబు దగ్గర!

ఏమిటీ పిచ్చి ప్రేలాపనలు! మొన్నటిదాకా కులాలు వద్దన్నావు, కాపులకు రిజర్వేషన్లు ఎవడు చెప్పాడని చంద్రబాబు కోసం అప్పుడేవో మాట్లాడావు. ఇప్పుడొచ్చి కులభావం లేని సమాజాన్ని చూస్తే నాకు బాధేస్తుంది అంటున్నావు. వైసీపీలోని నేతలకు కులభావం లేదని బాధపడిపోయావు. ఇక్కడ కాపుల సంగతి అయిపోయింది, రాయలసీమ వెళ్లి బలిజల సంగతి చూశారు... అదీ అయిపోయింది. ఇప్పుడు తూర్పు కాపులు... వీళ్లను కూడా కైమా కొట్టేసి తామరాకుల్లో చుట్టి చంద్రబాబుకు అప్పగించారు. 

అదృష్టవశాత్తు బతికిపోయింది ఎవరయ్యా అంటే... మున్నూరు కాపులు! కానీ అక్కడ కేసీఆర్ ఉన్నాడు... మనోడికి కేసీఆర్ అంటే గజగజ. అందుకే అటు వెళ్లడు. మూడు జిల్లాల్లో ఓబీసీ సర్టిఫికెట్ ఇస్తున్నారు, మిగతా జిల్లాల్లో ఇవ్వడంలేదని అంటున్నారు... నీ యాక్షన్ చూడలేక చచ్చిపోతున్నాం. కనీసం తెరమీదన్నా ఉంటే పాన్ ఇండియా స్టార్ అయ్యుండేవాడివి. అక్కడ సీను లేదు... ఇక్కడికొచ్చి యమా నటించేస్తున్నావు. 

ఏ కులం ఏ ప్రాంతంలో ఏ కేటగిరీలోకి వస్తుందో కేంద్రం గెజిట్ లో పేర్కొంటుంది... దాని ప్రకారమే అధికారులు ఆ కులానికి ఓబీసీ సర్టిఫికెట్ జారీ చేస్తారు... పవన్ ఈ విషయం తెలుసుకోవాలి. విషయ పరిజ్ఞానం లేకుండా పవన్ పిచ్చితనంతో మాట్లాడుతున్నాడు" అంటూ పేర్ని నాని విమర్శనాస్త్రాలు సంధించారు.


ఆయన అన్ని అవార్డులకు అర్హులే

తన దృష్టిలో బ్రహ్మశ్రీ చాగంటి కోటేశ్వరరావు ఏ అవార్డుకైనా అర్హులేనని బీజేపీ ఏపీ చీఫ్ సోమువీర్రాజు తెలిపారు. ప్రముఖ ఆధ్యాత్మిక ప్రవచనకర్త చాగంటి కోటేశ్వరరావుకు గురజాడ పురస్కారం ప్రకటించడంపై కవులు, కళాకారులు, సాహితీ సంఘాలు తీవ్రంగా వ్యతిరేకిస్తుండడం తెలిసిందే. చాగంటిని గురజాడ అవార్డుకు ఎంపిక చేయడాన్ని నిరసిస్తూ, విజయనగరంలో ర్యాలీ కూడా చేపట్టారు. ఈ నేపథ్యంలో, బీజేపీ రాష్ట్ర అధ్యక్షుడు సోము వీర్రాజు స్పందించారు. తన దృష్టిలో బ్రహ్మశ్రీ చాగంటి కోటేశ్వరరావు ఏ అవార్డుకైనా అర్హులేనని తెలిపారు. గురజాడ అవార్డు ఎవరికి ఇవ్వాలనే విషయం ఆ అవార్డు అందించే వ్యక్తులు, సంస్థల అభిప్రాయంపై ఆధారపడి ఉంటుందని అని సోము వీర్రాజు స్పష్టం చేశారు. 

చాగంటి గారు అద్భుతమైన జ్ఞాన భాండాగారం అని కీర్తించారు. రోడ్లపై ధర్నాలు చేస్తూ చాగంటి గారి పేరు ఉచ్చరించే అర్హత ఎవరికీ లేదని సోము వీర్రాజు విమర్శించారు. అవార్డుల పేరుతో ఆయన కీర్తి ప్రతిష్ఠలకు భంగం కలిగిస్తే సహించేది లేదని హెచ్చరించారు.


 కాల్వ శ్రీనివాసులును అరెస్ట్ చేసిన పోలీసులు

టీడీపీ నేత మాజీ మంత్రి కాల్వ శ్రీనివాసులును పోలీసులుఅరెస్ట్ చేశారు. టీడీపీ అధినేత చంద్రబాబు, పార్టీ జాతీయ ప్రధాన కార్యదర్శి లోకేశ్ లపై వైసీపీ ఎమ్మెల్యే తోపుదుర్తి ప్రకాశ్ రెడ్డి సోదరుడు చందు తీవ్ర వ్యాఖ్యలు చేయగా, అనంతపురం జిల్లా టీడీపీ నేత జగ్గు కౌంటర్ ఇవ్వడం తెలిసిందే. అయితే పోలీసులు జగ్గును అరెస్ట్ చేయగా, మాజీ మంత్రి పరిటాల సునీత ఆధ్వర్యంలో టీడీపీ నేతలు చెన్నే కొత్తపల్లి పోలీస్ స్టేషన్ ముందు ఆందోళనకు దిగారు. 

ఈ నేపథ్యంలో, ఆందోళన చేపట్టిన తమ పార్టీ శ్రేణులకు మద్దతుగా టీడీపీ సీనియర్ నేత కాలువ శ్రీనివాసులు చెన్నే కొత్తపల్లి బయల్దేరారు. అయితే ఆయనను పోలీసులు అడ్డుకున్నారు. రాయదుర్గంలో కాలువ శ్రీనివాసులును నిలువరించిన పోలీసులు ఆయనను స్థానిక టీడీపీ ఆఫీసులో గృహనిర్బంధం చేశారు. ఈ సందర్భంగా పోలీసులపై కాలువ శ్రీనివాసులు మండిపడ్డారు. 

పోలీసుల తీరును గర్హిస్తూ కనేకల్ రోడ్డుపై తన అనుచరులతో కలిసి బైఠాయించారు. దాంతో అక్కడ ఉద్రిక్త వాతావరణం ఏర్పడింది. ఈ నేపథ్యంలో పోలీసులు కాలువ శ్రీనివాసులును అదుపులోకి తీసుకుని రాయదుర్గంలోని ఆయన నివాసానికి తరలించారు.




 పవన్ బాబు కూడా అంతే

జనసేన పార్టీ అధినేత  పవన్ కళ్యాణ్ పై మంత్రి అంబటిి రాంబాబు తీవ్రంగా మండిపడ్డారు. ఏమీ లేని ఆకు ఎగిరెగిరిపడుతుంది... పవన్ బాబు కూడా అంతే అని విమర్శించారు.  ఇదిలావుంటే ఇప్పటం గ్రామస్తులకు చెక్కులు పంపిణీ చేసిన కార్యక్రమంలో జనసేనాని పవన్ కల్యాణ్ తీవ్ర విమర్శలు చేసిన నేపథ్యంలో మంత్రి అంబటి రాంబాబు స్పందించారు. "ఏమీ లేని ఆకు ఎగిరెగిరిపడుతుంది... పవన్ బాబు కూడా అంతే" అని విమర్శించారు. అంతకుముందు పవన్ కల్యాణ్ వ్యాఖ్యానిస్తూ... అన్నీ ఆ నాయకుడి పేరు మీద పెద్దన్న పథకం, చిన్నన్న పథకం అని పథకాలు తెస్తుంటారని పరోక్ష విమర్శలు చేశారు. ఆ నాయకుడి నవ్వులకు అసలు లోటు ఉండదని, సమయం సందర్భం లేకుండా నవ్వుతూ ఉంటాడని ఎద్దేవా చేశారు. 

"నవ్వు నాలుగు విధాలా చేటు అన్నారు... అది ఆ విషయం అతనికి తెలియదనుకుంటా. ఎవరన్నా చనిపోయినప్పుడు కూడా నవ్వుతూనే అడుగుతాడు, ఆస్తులు పోయాయా... ఎంత పోయాయి... రూ.10 కోట్లు పోయాయా అని కూడా నవ్వుతూనే అడుగుతాడు. గడపలు కూల్చేశారా... అంటూ అది కూడా నవ్వుతూనే అడుగుతాడు. అలా అడగకూడదండీ... అది తప్పు. ఎదుటివాళ్లు బాధలో ఉన్నప్పుడు కనీసం నటించడమైనా నేర్చుకోండి" అని హితవు పలికారు. దీనికి సంబంధించిన వీడియోను జనసేన పార్టీ సోషల్ మీడియాలో విడుదల చేసింది.

తన ప్రసంగంలో వైసీపీ నేతలపై పవన్ ఆగ్రహం వ్యక్తం చేశారు. మీరే రాజకీయాలు చేయాలా.. మేం చేయకూడదా?  రాజకీయాలు చేయడం మీకే చేతనవుతుందా... మాకు చేతకాదా? ఏం మాట్లాడుతున్నారు మీరు... రాజకీయాలు చేయాలంటే ప్రత్యేకంగా పెట్టి పుట్టాలా? అంటూ మండిపడ్డారు. 


 ఆ ఆరోపణల్లో వాస్తవంలేదు

కోట్టంరెడ్డి శ్రీనివాసులు రెడ్డిని కారుతో ఢీకొట్టారన్నది అవాస్తవం అని మాజీ మంత్రి, వైసీపీ ఎమ్మెల్యే అనిల్ కుమార్ యాదవ్ పేర్కొన్నారు. నెల్లూరు పట్టణ టీడీపీ ఇన్చార్జి కోటంరెడ్డి శ్రీనివాసులు రెడ్డిని కారుతో ఢీకొట్టారంటూ వార్తలు రావడం తెలిసిందే. కోటంరెడ్డి ప్రస్తుతం ఆసుపత్రిలో చికిత్స పొందుతుండగా, ఇది రాజకీయ కోణంలో జరిగిన దాడి అని ఆయన భార్య ఆరోపిస్తున్నారు. ఈ నేపథ్యంలో, మాజీ మంత్రి, వైసీపీ ఎమ్మెల్యే అనిల్ కుమార్ యాదవ్ స్పందించారు. శ్రీనివాసులు రెడ్డిని కారుతో ఢీకొట్టారన్నది అవాస్తవం అని పేర్కొన్నారు. ఈ దాడి నేపథ్యంలో తనపై అసత్య ఆరోపణలు చేయడం దుర్మార్గం అని పేర్కొన్నారు. జిల్లాలో ఏది జరిగినా తనకు ఆపాదిస్తున్నారని మండిపడ్డారు. టీడీపీ నేతలు అబద్ధాలతో నెట్టుకొస్తున్నారని అనిల్ కుమార్ విమర్శించారు. కోటంరెడ్డి శ్రీనివాసులు విషయంలో వ్యక్తిగత విభేదాల వల్లే దాడి జరిగిందని అన్నారు.


 కులం చూసి ఓట్లు వేసే సంస్కృతి తొలగిపోవాలి


ఇక, కులం చూసి ఓట్లు వేసే సంస్కృతి తొలగిపోవాలని కోరుకుంటున్నట్టు మంత్రి రోజా తెలిపారు. కుల, మత, ప్రాంతాలకు అతీతంగా ఓట్లు వేయాలని, మంచి వ్యక్తికి ఓటేసి గెలిపించుకుంటే మంచే జరుగుతుందని రోజా పేర్కొన్నారు. ప్రజల్లో మార్పు వచ్చిందని, ఇక ప్రజల కోసం నాయకులు మారాలని అభిప్రాయపడ్డారు.ఇంద్రసేన, రాజేంద్రప్రసాద్, ఐశ్వర్యరాజ్, సోనియా అగర్వాల్, హెబ్బా పటేల్ తదితరులు నటించిన చిత్రం 'శాసనసభ'. వేణు మందికంటి దర్శకత్వంలో సాప్ బ్రో ప్రొడక్షన్స్ పతాకంపై రూపుదిద్దుకుంటోంది. ఇదిలావుంటే ఈ చిత్రం ట్రైలర్ విడుదల కార్యక్రమానికి ఏపీ మంత్రి రోజా హాజరయ్యారు. ఈ సందర్భంగా ఆమె మాట్లాడుతూ, ఈ సినిమా సక్సెస్ సొంతం చేసుకోవాలని ఆకాంక్షిస్తున్నట్టు వెల్లడించారు. చిత్రబృందానికి శుభాకాంక్షలు తెలిపారు. 

ఈ చిత్రం పేరు 'శాసనసభ' అనగానే తనకు చాలా ఆసక్తిగా అనిపించిందని తెలిపారు. రాజకీయాలు అంటే నిత్యం యుద్ధరంగంలో ఉన్నట్టేనని, ఈ యుద్ధంలో ఎవరైతే ప్రజల మనసు గెలుస్తారో వాళ్లే శాసనసభలోకి ప్రవేశించే అవకాశం ఉంటుందని అన్నారు."ప్రతివాడికి యుద్ధంలో గెలవాలని ఉంటుంది... కానీ ఒక్కడే గెలుస్తాడు... వాడినే వీరుడు అంటారు" అనే డైలాగ్ నచ్చిందని, ఆ డైలాగ్ వినగానే సీఎం జగన్ గుర్తొచ్చారని రోజా వెల్లడించారు. ఈ చిత్రానికి రాఘవేంద్రరెడ్డి ఆకట్టుకునే డైలాగులు రాశారని అభినందించారు. 



 నాటు సారా విక్రయ దారుల అరెస్టు

రిమాండ్ కు పంపిన గడివేముల ఎస్సై బిటి వెంకటసుబ్బయ్య

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా గడివేముల మండల పరిధిలోని ఎల్కే తాండ గ్రామం ఊరి బయట నాటుసారా బట్టి పెట్టుకొని తయారు చేస్తున్నారన్న పక్కసమాచారం తెలుసు కొన్న ఎస్సై బిటి. వెంకటసుబ్బయ్య అప్రమత్తమై వెంటనే తన సహచర సిబ్బందితో కలసి ఉదయం  గ్రామం ఊరిబయట గల కొండలలో దాడులు నిర్వహించి ఎల్కే తాండ గ్రామానికి చెందిన సుభాష్ నాయక్(22 ),గని గ్రామంనకు చెందిన పెద్దన్న(35), వై కే తాండ గ్రామానికి చెందిన బుజ్జి బాయి నాటు సారాయి బట్టి పెట్టుకొని ఉండగా 40 లీటర్ల నాటు సారాయి, హోండా హెచ్ఎఫ్ డీలక్స్  మోటర్ సైకిల్ ను స్వాధీన పరచుకుని కేసు నమోదు చేసి రిమాండ్ కు పంపామని గడివేముల ఎస్సై బిటి. వెంకటసుబ్బయ్య తెలిపారు.

 ఎం.టి.యస్ పై ఎం.పి.ఈ.ఓ లు ఎమ్మెల్యే కాటసాని రాంభూపాల్ రెడ్డికి... 

వినతి పత్రం అందజేత

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా పాణ్యం నియోజక వర్గం పరిధిలోని గడివేముల మండలంలో జరిగిన సర్వసభ్య సమావేశంలో ఆంద్రప్రదేశ్ ప్రభుత్వ వ్యవసాయ శాఖ లో పనిచేస్తున్న 1611 మంది ఎం.పి.ఈ.ఓ లు టి.టి.డి పాలక మండలి సభ్యులు,పాణ్యం నియోజకవర్గ శాసనసభ సభ్యులు కాటసాని రాంభూపాల్ రెడ్డికి వినతి పత్రం అందజేశారు. వివరాలలోకి వెళ్తే బహుళ విస్తరణ అధికారులు కాంట్రాక్ట్ పద్ధతి లో డిస్ట్రీక్ సెలక్షన్ కమిటీ ద్వారా ఎన్నుకోబడి గత 9 సంవత్సరాల నుండి రైతులకు మరియు వ్యవసాయ శాఖకు మధ్య వారధిగా ఉంటు వివిధ పథకాలు రైతులకు అందిస్తూ విధులు నిర్వహిస్తున్నామని, ప్రస్తుతం ఉన్నటివంటి రైతూ భరోసా కేంద్రాలకు ఇంఛార్జి లు గా కుడా విధులు నిర్వహిస్తున్నా మని తెలిపారు.


ఈ సందర్భంగా ఎమ్మెల్యే కాటసాని రాంభూపాల్ రెడ్డి మాట్లాడుతూ మినిమం టైం స్కేల్ తప్పకుండా కల్పిస్తామని, అధికారుల దృష్టికి తీసుకుని వెళ్లి సమస్యను త్వరలోనే పరిష్కరిస్తామని హామీ ఇచ్చారు. ఈ కార్యక్రమం లో గడివేముల మండల వ్యవసాయశాఖ అధికారి హేమ సుందర్ రెడ్డి, ఎమ్మార్వో శ్రీనివాసులు, గడివేముల జడ్పిటిసి ఆర్ బి చంద్రశేఖర్ రెడ్డి, గడివేముల బహుళ విస్తరణ అధికారులు రామకృష్ణ,రేవతి, మంజుల,శ్యామల,మాధవిలత, కవిత బాయి తదతరులు పాల్గొన్నారు.

 పార్టీలకు అతీతంగా గ్రామాలలోని ప్రజలకు న్యాయం చేయాలి

పాణ్యం ఎమ్మెల్యే కాటసాని రాంభూపాల్ రెడ్డి

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా గడివేముల మండల పరిధిలోని స్థానిక మండల జిల్లా మండల పరిషత్ కార్యాలయంలో జరిగిన సమావేశం ఎంపీడీవో విజయసింహారెడ్డి,ఎంపీపీ నాగ మద్దమ్మ అధ్యక్షతన సర్వసభ్య సమావేశం నిర్వహించారు.ఈ కార్యక్రమానికి ముఖ్యఅతిథిగా టిటిడి ధర్మకర్తల మండలి సభ్యులు,పాణ్యం ఎమ్మెల్యే కాటసాని రాంభూపాల్ రెడ్డి ముఖ్యఅతిథిగా హాజరయ్యారు. 73 వ రాజ్యాంగ దినోత్సవ సందర్భంగా అంబేద్కర్ చిత్రపటానికి పూలమాల వేసి సమావేశానికి హాజరైన అధికారులు అందరితో రాజ్యాంగ ప్రతిజ్ఞ చేయించి సర్వసభ్య సమావేశం ప్రారంభించారు.


ఈ సమావేశంలో చిందుకూరు సర్పంచి అనసూయమ్మ మాట్లాడుతూ పంచాయతీ అధికారాలు ఇంతవరకు తనకు అప్పచెప్పలేదని, ఉపాధి హామీ పథకంలో అవకతవకలు జరుగుతున్నాయని, చనిపోయిన కొంతమంది వ్యక్తులు పేర్ల మీద ఇప్పటికి కూడా బిల్లులు మంజూరయ్యని,ఎస్సీ కాలనీలో ప్రజలు నీరు లేక ఇబ్బంది పడుతున్నారని, గ్రామంలో బోర్లు చెడిపోయాయని చెబితే బోర్లు వేయడానికి వచ్చి సామాన్లు వెనక్కి తీసుకెళ్లారని, గ్రామంలో బోర్లు వేసుకోలేని పరిస్థితుల్లో ఉన్నామని, ఎమ్మెల్యే దృష్టికి తీసుకొచ్చారు, వెటర్నరీ డాక్టర్ సాయి హరణి మాట్లాడుతూ  గ్రామాలలో లుంపి వైరస్ రాకుండా 3000 పశువులకు టీకాలు వేశామని, పశువుల్లో కృత్రిమ గర్భధారణ ద్వారా కేవలం ఆడదూడ్ల ను పుట్టించే ఆర్గాన్స్ ఈ నెల నుండి ప్రారంభిస్తున్నామని చెప్పారు.

అనంతరం ఎమ్మెల్యే కాటసాని రాంభూపాల్ రెడ్డి మాట్లాడుతూ గడివేముల మండలం హుడా కింద గృహాలు మంజూరు అయ్యాయని,గ్రామంలోని నిరుపేదలందరికీ గృహాలు పార్టీలకు ఆతీతంగా ప్రతి ఒక్కరికి అందేలా చూసి గ్రామాల అభివృద్ధికి పాటుపడాలని, పేద ప్రజలకు,రైతులకు అన్యాయం జరుగుతే సహించే ప్రసక్తే లేదని, ప్రతి గ్రామంలోని ప్రజలందరికి జగనన్న పథకాలు పార్టీలకతీతంగా అందిలా చూడాలని, ఎవరైనా నిర్లక్ష్యం వహిస్తే సహించే ప్రసక్తి లేదని చెప్పారు. భావితరాల భవిష్యత్తును దృష్టిలో పెట్టుకొని శ్రీ బాగ్ ఒప్పందం ప్రకారం మూడు ప్రాంతాలను అభివృద్ధి చేసుకోవాలని, కేవలం ఒక ప్రాంతమే అభివృద్ధి చెందుతే 2014 లో జరిగిన చేదు అనుభవాలే మళ్లీ జరుగుతాయని,

అలా జరగకుండా ఉండాలనే ఉద్దేశంతో డిసెంబర్ 5 వ తేదీన న్యాయ రాజధాని కోసం కర్నూలు జిల్లా, నంద్యాల జిల్లా ప్రజలందరితో భారీ ప్రదర్శన ఏర్పాటు చేస్తున్నామని తెలిపారు. ఈ కార్యక్రమంలో ఈఓఆర్డి ఖాలిక్ భాష,గడివేముల జడ్పిటిసి సభ్యులు ఆర్ బి చంద్రశేఖర్ రెడ్డి, ఎమ్మార్వో శ్రీనివాసులు, గడివేముల మండల ఉపాధ్యక్షులు కాలు నాయక్,అన్ని గ్రామాల పంచాయతీ కార్యదర్శులు, అన్ని శాఖల అధికారులందరూ, అన్ని గ్రామాల సర్పంచ్ లు, ఎంపీటీసీ నెంబర్లు తదితరులు పాల్గొన్నారు.

 గుడ్ షెప్పర్డ్ స్కూల్, కార్పొరేట్ పాఠశాలలకు రేపు బంద్ కు పిలుపునిచ్చిన.. 

రాయలసీమ విద్యార్థి యువజన సంఘాల జేఏసీ నాయకులు

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా స్థానిక నంద్యాల పట్టణంలోని గుడ్ షెఫర్డ్ హైస్కూల్ నందు అభం శుభం తెలియని 5 వ తరగతి విద్యార్ధి వశీకర్ పాఠశాల వేధింపులు - టీచర్ల వేధింపులు తాళలేక ఆత్మహత్యా ప్రయత్నం చేసుకోన్నాడని, గుడ్ షెప్పర్డ్ పాఠశాల యాజమాన్యంపై క్రిమినల్ కేసులు నమోదు చేయాలని  26-11-22 వ తేదీన గుడ్ షెఫర్డ్ హై స్కూల్, కార్పొరేట్ పాఠశాలల  బంద్ కు పిలుపునిచ్చిన  రాయలసీమ విద్యార్థి, యువజన సంఘల జేఏసీ నేతలు. ఈ సందర్భంగా వారు మాట్లాడుతూ గుడ్ షెప్పర్డ్ పాఠశాలలో 5 వ తరగతి చదువుతున్న వశీకర్ అనే విద్యార్ధి పాఠశాల సిబ్బందీ , టీచర్ల వేధింపులు తాళలేక ,  తీవ్ర ఒత్తిడికి లోనై 24-11-22 వ తేదీ ఉదయం ఆత్మహత్యా ప్రయత్నం చేసుకోవడం జరిగిందనీ దీనికి నిరసనగా శనివారం నంద్యాలలోని గుడ్ షెప్పర్డ్ పాఠశాల, కార్పొరేట్ పాఠశాలలకు బంద్ కు పిలుపుని తెలిపారు.


ఈ సందర్భంగా రాయలసీమ విద్యార్ధి , యువజన సంఘాల జేఏసీ చైర్మన్ రాజునాయుడు , వైస్ చైర్మన్ బందెల ఓబులేసు , కన్వీనర్లు పూల వెంకట్ , వేణు మాధవ రెడ్డి , జయరాజు , సీనియర్ విద్యార్ధి , యువజన నేత పెరుగు శివకృష్ణ యాదవ్ లు మాట్లాడుతూ డబ్బు సంపాదనే ధ్యేయంగా గుడ్ షెప్పర్డ్ పాఠశాల యాజమాన్యం ప్రవర్తిస్తుందనీ , చదువుల పేరుతో విద్యార్ధులను మానసికంగా హింస పెడుతూ , ర్యాంకుల పేరుతో పసిహృదయాలను రక్తం పీల్చుతూ పేట్రేగిపోతున్నారని, అభం శుభం తెలియని వశీకర్ (12) 5వ తరగతి విద్యార్ధి నాలుగవ అంతస్ధు నుండి ఆత్మహత్యా ప్రయత్నం సిగ్గుచేటన్నారు. రాజకీయ పలుకుబడితో విద్యార్థుల జీవితాలతో ఆడుకోవడం  సమంజసం కాదని తెలిపారు.a

మేమెందుకు కుళ్ళాయి పన్నులు చెల్లించాలి

ప్రశ్నిస్తున్న నందమూరి నగర్ వాసులు

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా నంద్యాల పట్టణ శివారు ప్రాంతమైన నందమూరి నగర్ లోని 38 వ వార్డు వీధిలోని ప్రజలు మంచినీటికి ఇబ్బందులకు గురి అవుతున్నారని సిపిఐ పట్టణ సమితి ఆధ్వర్యంలో  సిపిఐ పట్టణ కార్యదర్శి  ప్రసాద్,ఏఐటీయూసీ పట్టణ అధ్యక్షులు భూమని శ్రీనివాసులు,నందమూరి నగర్ సిపిఐ శాఖ కార్యదర్శి హుస్సేన్,కాలనీవాసులు మన్ బాదుల్లా,అబ్దుల్ రహీం,సలీం,అబ్దుల్ కలాం లు కలిసి నంద్యాల మున్సిపల్ కమిషనర్ రామచంద్రారెడ్డి గారికి వినతి పత్రాన్ని అందజేశారు. అనంతరం సిపిఐ పట్టణ కార్యదర్శి ప్రసాద్ మాట్లాడుతూ నందమూరి నగర్ ఏర్పడి దాదాపు 40 సంవత్సరములు అయినప్పటికీ నందమూరి నగర్ లోని 38 వార్డు ప్రజలు ఇప్పటికీ మంచినీటికి ఇబ్బందులు పడుతున్నారని,


కుళాయిలకు నీరు సరఫరా లేదని,మంచినీరు కుళాయిలకు రావడంలేదని, కుళాయిలకు మంచినీరు వదిలే వారిని అడగగా పైపులు లీకేజీలు ఉన్నాయని సమాధానం చెబుతూ,వాటికి మరమ్మతులు చేయకుండా కాలయాపన చేస్తున్నారని, కుళాయిలకు నీరు సరఫరా చేసేటప్పుడు బురదతో నీరు కలుషితమై కుళాయిలకు సరఫరా అవుతున్నాయని, బురద నీరు ప్రవహించే కుళాయిలకు మేమెందుకు పన్నులు కట్టాలని ప్రశ్నిస్తున్నారు. ఇప్పటికైనా మున్సిపల్ కమిషనర్ రామచంద్రారెడ్డి గారు వాటర్ వర్క్ డీఈ గారు ఇక్కడి సమస్యలను పరిష్కరించి కుళాయిలకు  కలుషితం లేని మంచినీటిని సరఫరా చేయాలని, సంబంధిత అధికారులు స్పందించకపోతే 38 వ వార్డు ప్రజలు ఎటువంటి పన్నులు చెల్లించమని చెబుతున్నారు.

 2022లో చక్కటి మూడో త్రైమాసికంతో లానెక్సెస్

2.185 బిలియన్ యూరోలతో ఏటేటా ప్రాతిపదికన 38.2% వృద్ధి చెందిన విక్రయాలు

అన్ని విభాగాల్లోనూ విక్రయాల వృద్ధి – మరీముఖ్యంగా కన్జ్యూమర్ ప్రొటెక్షన్ పటిష్ఠం

ఈబీఐటీడీఏ ప్రి ఎక్సెప్షనల్స్ 4.8 శాతం పెరుగుదలతో 240 మిలియన్ యూరోలకు చేరిక

పెరిగిపోయిన ముడిపదార్థాలు, ఎనర్జీ ధరలు విజయవంతంగా బదిలీ

2022 ఆర్థిక సంవత్సరానికి గైడెన్స్ నిర్దేశం: ఈబీఐటీడీఏ ప్రి ఎక్సెప్షనల్స్ 900 మిలియన్ యూరోల నుంచి 950 మిలియన్ యూరోల మధ్యలో ఉండగలవని అంచనా


(జానో జాగో వెబ్ న్యూస్-బిజినేస్ బ్యూరో)

ఈ ఏడాది మధ్య కాలంలో మేం, ఐఎఫ్ఎఫ్ నుంచి మైక్రోబియల్ కంట్రోల్ బిజినెస్ ను స్వాధీనం చేసుకోవడం ద్వారా మా కన్జ్యూమర్ ప్రొటెక్షన్ విభాగాన్ని పటిష్ఠం చేసుకున్నాం. గత త్రైమాసికంలోనే దీనికి సంబంధించిన చక్కటి ఫలితాలు వెలువడడం మొదలైంది’’ అని అన్నారు. ‘‘అయినప్పటికీ, కొన్ని విభాగాల్లో డిమాండ్ తగ్గిపోవడం, విక్రయ పరిమాణాల్లో క్షీణతను కూడా మేం గమనించాం. నాలుగో త్రైమా సికంలో ఎనర్జీ ధరలు పెరగడం,: ఎనర్జీ, ముడి పదార్థాల వ్యయాలు అధికం కా వడం కొనసాగుతున్న సవాళ్ల పరిస్థితుల్లోనూ, స్పెషాలిటీ కెమికల్స్ కంపెనీ లానెక్సెస్ 2022 మూడో త్రైమాసికానికి చక్కటి ఫలితాలను అందించింది. విక్ర యాలు గణనీయంగా 38.2 శాతం పెరిగాయి. గత ఏడాది త్రైమాసికంలో 1.581 బిలియన్ యూరోలుగా ఉన్న విక్రయాలు 2.185 బిలియన్ యూరోలకు చేరుకు న్నాయి. ఈబీఐటీడీఏ ప్రి ఎక్సెప్షనల్స్ 4.8 శాతం పెరుగుదలతో 240 మిలియన్ యూరోలకు చేరుకున్నాయి. అంతకు ముందు ఏడాది ఈ మొత్తం 229 మిలి యన్ యూరోలుగా ఉండింది.

అడిటివ్స్ కార్యకలాపాలకు తోడుగా, ఇటీవల కొన్ని ఏళ్లుగా ఈ గ్రూప్ వ్యూహాత్మకంగా నిర్మించుకుంటూ వచ్చిన కన్జ్యూమర్ ప్రొటెక్షన్ విభాగంలో వృద్ధి ఎంతో సానుకూలంగా ఉంది. 2022 జులై 1 నాటికి, అమెరికన్ కంపెనీ ఇంటర్నేషనల్ ఫ్లేవర్స్ అండ్ ఫ్రాగ్రన్సెస్ (ఐఎఫ్ఎఫ్) నుంచి స్వాధీనం చేసుకున్న మైక్రోబియల్ కంట్రోల్ బిజినెస్  ఇప్పటికే ఈ విభాగంలో చక్కటి ఆదాయాలకు గణనీయ తోడ్పాటును అందించింది. అదే విధంగా ఎమరాల్డ్ కలామా కెమికల్ 2021లో స్వాధీనం చేసుకోబడింది.

ఎనర్జీ, ముడిపదార్థాల వ్యయాల్లో చోటు చేసుకున్న పెంపును లానెక్సెక్ అధిక విక్రయాల ధరల ద్వారా బదిలీ చేసింది. మారకపు రేట్లు కూడా అన్ని విభాగాల్లో ఆదాయాలపై సానుకూల ప్రభావాన్ని కనబర్చాయి. నిర్మాణం వంటి కొన్ని కస్టమర్ పరిశ్రమల్లో డిమాండ్ బలహీనపడింది. ఈబీఐటీడీఏ మార్జిన్ ప్రి ఎక్సెప్షనల్స్ మూడో త్రైమాసికంలో 111.0 శాతం తగ్గాయి. అంతకు ముందు ఏడాది ఇదే త్రైమాసికంలో ఇది 14.5 శాతంగా ఉండింది.


ఈ సందర్భంగా లానెక్సెస్ ఏజీ బోర్డ్ ఆఫ్ మేనేజ్ మెంట్ చైర్మన్ మాతియాస్ జాచెర్ట్ మాట్లాడుతూ, ‘‘మా వ్యూహం సరైన దిశలోనే ఉన్నట్లుగా ఈ చక్కటి గణాంకాలు సూ చిస్తున్నాయి.  సమస్యల కాలంలో మేం గతంలో కన్నా మరింత నిలకడగా ఉన్నాం. తక్కువ సైక్లికల్ స్పెషాలిటీ కెమికల్స్ పై మేం ప్రధానంగా దృష్టి పెట్టడం ఇందుకు తోడ్పడింది. ఆర్థిక మాంద్యం చోటు చేసుకునే ముప్పు కారణంగా సమస్యలు వచ్చే అవకాశం ఉంది’’ అని అన్నారు. 

విభాగాలు: పెరిగిపోతున్న విక్రయ ధరలతో ముందుకెళ్తున్న అమ్మకాలు

పెరిగిపోతున్న ముడిసరుకు ధరలను బదలాయించడంతో అడ్వాన్స్ డ్ ఇంటర్మీడి యేట్స్ విభాగం అధిక విక్రయ ధరలను సాధించింది. దాంతో 2022 మూడో త్రైమాసికంలో అధిక విక్రయాలు చోటు చేసుకున్నాయి. ఇవి 492 మిలియన్ యూ రోల నుంచి 30.5 శాతం పెరిగి 642 మిలియన్ యూరోలకు చేరుకున్నాయి. మారక పు రేట్లలో మార్పులు కూడా విక్రయాలపై సానుకూల ప్రభావాన్ని కనబర్చాయి. ఈ విభాగం ప్రి ఎక్సెప్షనల్స్ గత ఏడాది గణాంకాలైన 80 మిలియన్ యూరోలతో పోలిస్తే 18.8 శాతం తగ్గి 65 మిలియన్ యూరోలకు చేరుకున్నాయి.  

2022 మూడవ త్రైమాసికంలో కన్జ్యూమర్ ప్రొటెక్షన్ విభాగం విక్రయాలు,  ఆదాయా లు ముఖ్యంగా సానుకూలంగా అభివృద్ధి చెందాయి. ఐఎఫ్ఎఫ్   మైక్రోబియల్ కంట్రోల్ మరియు ఎమరాల్డ్ కలామా కెమికల్ యొక్క కొత్తగా కొనుగోలు చేసిన వ్యాపారాలు ఇక్కడ గణనీయమైన సహకారాన్ని అందించాయి. అమ్మకాలు 60.7 శాతం పెరిగి  662 మిలియన్ల యూరోలకు చేరాయి, అంతకుముందు సంవత్సరంలో 412 మిలియన్ల యూరోలుగా ఉన్నాయి. సెగ్మెంట్ యొక్క ఈబీఐటీడీఏ ప్రీ ఎక్సప్షనల్స్ 110 మిలియన్ల యూరోలకు చేరుకుంది, ఇది మునుపటి సంవత్సరం 66 మిలియన్ల యూరోల సంఖ్యతో పోలిస్తే 66.7 శాతం పెరిగింది. ఈబీఐటీడీఏ మార్జిన్ ప్రీ ఎక్సప్స నల్స్ 16.6 శాతానికి చేరుకుంది, ఇది మునుపటి సంవత్సరంలో 16.0 శాతంగా ఉంది.

మృతుడు జిలాన్ భాష కుటుంబానికి  ఆర్థిక సహాయం అందజేసిన,,,

మున్సిపల్ వైస్ చైర్మన్ మొల్ల రబ్బాని

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా నందికొట్కూరు నియోజకవర్గంలోని స్థానిక నందికొట్కూరు పట్టణంలో 25 వ వార్డుకు చెందిన జిలాన్ భాషా రాత్రి తీవ్ర అనారోగ్యంతో మృతి చెందారని కుటుంబ సభ్యులు తెలియజేశారు. విషయాన్ని తెలుసుకున్న మున్సిపల్ వైస్ చైర్మన్ మొల్ల రబ్బానీ, 8వ వార్డ్ ఇంచార్జి శాలి భాష లు మృతుడు జిలాన్ బాష కుటుంబ సభ్యులను కలిసి పరామర్శించి, మనో ధైర్యంతో ఉండాలని, జిలాన్ భాష కుటుంబ సభ్యులకు అండగా ఉంటామని హామీ ఇచ్చారు. అనంతరం(రబ్బాని గ్రూప్స్) తరుపున మున్సిపల్ వైస్ చైర్మన్ మొల్ల రబ్బాని మృతి చెందిన  జిలాన్ భాషా కుటుంబానికి 5,000/- రూపాయలు ఆర్థిక సాయం అందజేశారు.ఈ కార్యక్రమంలో అబ్బాస్,రియాజ్, చాంద్ బాషా,ఇమ్రాన్, వైస్సార్సీపీ సోషల్ మీడియా కో-కన్వీనర్ పసుల శ్రీనివాసులు నాయుడు, మోహన్ తదిరులు పాల్గొన్నారు.


 


 ప్రతి ఇంటిలో భారత రాజ్యాంగ గ్రంధం ఉండాలి 

నంద్యాల ఎమ్మెల్యే శిల్ప రవిచంద్ర కిషోర్ రెడ్డి

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా స్థానిక నంద్యాల పట్టణంలో ప్రజాస్వామ్య పరి రక్షణ ఐక్య వేదిక నంద్యాల జిల్లా కమిటీ ఆధ్వర్యములో  ఎమ్మెల్యే శిల్పా రవి చంద్ర కిషోర్ రెడ్డి తో భారత రాజ్యాంగ పీఠిక  బ్యానర్ ను ఆవిష్కరించారు. ఈ సందర్భంగా ఆయన మాట్లాడుతూ భారత రాజ్యాంగం అమలులోకి 1949 నవంబర్ 26 వ తేదీన అమలైందని,ప్రతి సంవత్సరం నవంబర్ 26 న రాజ్యాంగ ఆవిర్భావ దినోత్సవం గా జరుపుకుంటామని, రాజ్యాంగానికి ఆత్మ వంటిది రాజ్యాంగ పీఠిక అని,రాజ్యాంగం యొక్క మొత్తం సారాంశం ఈ పీఠికలో చెప్పబడినదని, ప్రతి పౌరుడు భారత రాజ్యాంగం గురించి తెలుసుకోవాలని తెలిపారు. ప్రజాస్వామ్య పరి రక్షణ ఐక్య వేదిక నంద్యాల జిల్లా అధ్యక్షులు ఆకుమల రహీమ్ మాట్లాడుతూ  భారత రాజ్యాంగం ప్రతి ఇంటిలో ఉండాలని, భారతీయుల ఆధునిక ధర్మ శాస్త్రం భారత రాజ్యాంగం గ్రంధం అని తెలిపారు. కేంద్ర,రాష్ట్ర ప్రభుత్వాలు అన్నీ కూడా రాజ్యాంగం ఆధారంగానే పరిపాలన సాగిస్తున్నాయని,


అందువలననే  ప్రజాస్వామ్య పరి రక్షణ ఐక్య వేదిక భారత రాజ్యాంగం పైన ప్రజలకు అవగాహన కల్పిస్తున్నామని,రాజ్యాంగ పీఠిక బ్యానర్ ను నంద్యాల లోని ప్రతి ప్రభుత్వ కార్యాలయాల వద్ద  అంటించడం జరుగుతుందని తెలిపారు.నవంబర్ 26 వ తేదీ ప్రతి పాఠశాలలో మరియు కళాశాలలో రాజ్యాంగ ఆవిర్భావ దినోత్సవంజరుపుకోవాలని పిలుపునిచ్చారు. ఈ కార్యక్రమంలో జిల్లా అధ్యక్షులు ఆకుమల రహీమ్, జిల్లా కోశాధికారి సత్యనారాయణ గుప్తా,మండల అధ్యక్షులు ఉమా మహేష్, మండల ప్రధాన కార్యదర్శి శివ నారాయణ,పట్టణ కోశాధికారి సయ్యద్ మౌలాలి తదితరులు పాల్గొన్నారు.

 అర్ధరాత్రి వేళ నిబంధనలకు విరుద్ధంగా వ్యాపారం

డబీర్ పుర లోని న్యూ మక్కా టిఫిన్ సెంటర్-జైలు శిక్ష విధించిన కోర్టు

నిబంధనల మేరకు వ్యాపార నిర్వహించుకోవాలని స్పష్టం చేసిన డబీర్ పుర ఇన్స్పెక్టర్ జి. కోటేశ్వరరావు

(జానో జాగో వెబ్ న్యూస్- హైదరాబాద్ ప్రతినిధి)

అర్ధరాత్రి వేళ నిబంధనలకు విరుద్ధంగా వ్యాపారం చేస్తున్న డబీర్ పుర లోని న్యూ మక్కా టిఫిన్ సెంటర్ యజమానిని అరెస్టు చేయగా అతనికి కోర్టు జైలు శిక్ష విధించిందని డబీర్ పుర పోలీస్ స్టేషన్ ఇన్స్పెక్టర్ జి. కోటేశ్వరరావు తెలిపారు. నిబంధనలకు విరుద్ధంగా అర్ధరాత్రి వరకు వ్యాపారం నిర్వహిస్తున్న డబీర్ పుర లోని న్యూ మక్కా టిఫిన్ సెంటర్ యజమాని అబ్ధుల్ రహ్మన్ ను అరెస్టు చేసి  VI SPL MM Court నందు హాజరు పరచగా న్యాయమూర్తి ఎస్ లక్ష్మణ్ రావు  అతడికి ఎనిమిది  రోజులు సాధారణ రిమాండ్ విధించడం జరిగిందనీ ఇన్స్పెక్టర్ కోటేశ్వరరావు వెల్లడించారు. ఈ విషయాన్ని దృష్టిలో ఉంచుకొని ప్రతి ఒక్క వ్యాపారస్తుడు సమయపాలన దాటాక వ్యాపారాలు నిర్వహించకూడదని ఇన్స్పెక్టర్ హెచ్చరించారు. లేనిపక్షంలో అరెస్టు వై శిక్షకు గురి కావాల్సి వస్తుందని ఆయన పేర్కొన్నారు.

గ్రామ పంచాయతీ సిబ్బంది, సచివాలయ సిబ్బంది,,,

నిర్లక్ష్యం వహిస్తే,,,కఠిన చర్యలు తప్పవు

నంద్యాల డివిజన్ పరిధి పంచాయతీ అధికారి రాంబాబు

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా గడివేముల మండల పరిధిలోని గడివేముల, చిందుకూరు,  కొరటమద్ది, మరియు దుర్వేశి ల గ్రామపంచాయతీ కార్యాలయాలను, తడి, పొడి చెత్త కేంద్రాలను సందర్శించారు, ఈ సందర్భంగా ఆయన మాట్లాడుతూ గ్రామపంచాయతీ సిబ్బంది గ్రామంలో తడి మరియు పొడి చెత్త లను వేరువేరుగా సేకరించాలని, గ్రామంలో కాలుష్య నివారణకు గ్రామ పంచాయతీ సిబ్బంది అందరూ తప్పని సరిగా విధులు నిర్వహించి, కాలుష్య నివారణను అరికట్టాలని తెలిపారు. అనంతరం గ్రామ సచివాలయను  సందర్శించి గ్రామ సచివాలయం సిబ్బంది పని తీరును పరిశీలించిన అనంతరం సచివాలయ సిబ్బందితో మాట్లాడుతూ


గ్రామంలోని ప్రజలకు ప్రభుత్వ పథకాలు అందరికీ తెలియజేయాలని, సచివాలయం
కు వచ్చే ప్రజల పట్ల సఖ్యత కలిగి ఉండాలని, సచివాలయ సిబ్బంది అందరూ తప్పక  సమయపాలన పాటించాలని, సమయపాలన పాటించని సిబ్బందిపై తగు చర్యలు తీసుకుంటామని తెలిపారు. ఈ కార్యక్రమంలో ఈవోఆర్డి ఖాలిక్ భాషా, మరియు గ్రామపంచాయతీల కార్యదర్శులు, సచివాలయ సిబ్బంది పాల్గొన్నారు.

 "తోటబడి--పొలంబడి"పై..... అవగాహన కల్పించిన... 

గడివేముల మండల వ్యవసాయ అధికారి హేమసుందర్ రెడ్డి

(జానో జాగో వెబ్ న్యూస్-నంద్యాల జిల్లా ప్రతినిధి)

 నంద్యాల జిల్లా గడివేముల మండల పరిధిలోని పెసర వాయి గ్రామంలో "తోట బడి"-- "పొలంబడి" కార్యక్రమం నిర్వహించారు. ఈ సందర్భంగా గడివేముల మండల వ్యవసాధికారి హేమసుందర్ రెడ్డి మాట్లాడుతూ 14 వారాలపాటు 30 మంది రైతులతో పొలంలోని విత్తనం నాటిన మొదల నుండి రైతుకు పంట చేతికి అందే వరకు చేసే కార్యక్రమాన్ని "పొలంబడి" అంటామని తెలిపారు. "తోట బడి" ముఖ్య ఉద్దేశం తక్కువ పెట్టుబడి తో నాణ్యమైన,ఆరోగ్యకరమైన పంటను పండించడమని,"తోట బడి"లో రైతులు ముఖ్యంగా గుర్తుంచుకోవాల్సిన నాలుగు ప్రధాన అంశాలను గుర్తు పెట్టుకోవాలని, ఆరోగ్యకరమైన పంటను పండించడం, రైతుల మిత్ర పురుగులను సంరక్షించుకోవడం, తప్పనిసరిగా ప్రతిరోజు రైతులు పంట పొలాలను చూసుకోవాలని, రైతుకు పంటపై నిర్ణయం తీసుకునే అవకాశాన్ని కల్పించడమని, పంటలపై సమగ్ర సస్యరక్షణలో భాగంగా తెల్ల దోమ మరియు తామర పురుగుల నివారణకై పసుపు,


నీలిరంగు మరియు తెలుపు జిగురు అట్టలను పొలంలో ఒక ఎకరానికి 20 నుంచి 30 అట్టలు పంట కంటే ఒక అడుగు ఎత్తున అమర్చుకోవాలని,ఎర్ర పంటగా బంతిపూలు, కంచ పంట గా జొన్న పంటను మరియు మొక్కజొన్న పంటను వేసుకోవాలని, మొవ్వ కుళ్ళు తెగులు మరియు బొబ్బర తెగులు కు కారకాలైనటువంటి తామర పురుగులు మరియు తెల్ల దోమలను సమగ్ర సస్యరక్షణ పద్ధతుల్లో జిగురు అట్టలతో నివారించాలని తెలిపారు. ఈ కార్యక్రమంలో గడివేముల మండల వ్యవసాయ శాఖ సిబ్బంది, పెసర వాయి గ్రామ రైతులు పాల్గొన్నారు.

 సైకోలా మారి సీఎం ధరలు..ఛార్జీలు... పన్నులు పెంచేశాడు: నారా లోకేష్


సైకో మాదిరిగా మారిన ముఖ్యమంత్రి ధరలు, చార్జీలు, పన్నులు పెంచేశాడని టీడీపీ జాతీయ ప్రధాన కార్యదర్శి నారా లోకేష్వి మర్శించారు. మంగళగిరి నియోజకవర్గంలో పేదలకు ఒక్క ఇల్లూ కట్టలేని ఎమ్మెల్యే ఆళ్ల రామక్రష్ణారెడ్డి వేలాది ఇళ్లు కూల్చేస్తున్నాడని నారా లోకేశ్ ఆరోపించారు. నూతక్కి గ్రామంలో గురువారం నిర్వహించిన 'బాదుడే బాదుడు' కార్యక్రమంలో ఆయన పాల్గొన్నారు. గ్రామంలో సమస్యలు పరిశీలించారు. ఇంటింటికీ వెళ్లి వారి కష్టసుఖాలు అడిగి తెలుసుకున్నారు. ఏ అవసరం ఉన్నా ఆదుకుంటానని గ్రామస్తులకు లోకేశ్ భరోసా ఇచ్చారు. 

సైకో మాదిరిగా మారిన ముఖ్యమంత్రి ధరలు, చార్జీలు, పన్నులు పెంచేశాడని విమర్శించారు. గ్రామస్తులు తన దృష్టికి తీసుకొచ్చిన సమస్యలు పరిష్కరిస్తానని హామీ ఇచ్చారు. నియోజకవర్గ ప్రగతి కోసం వేల కోట్లు కేటాయించామంటోన్న వైసీపీ ప్రభుత్వం, ఎమ్మెల్యే... అవి ఎక్కడ ఖర్చు చేశారో వెల్లడించాలని డిమాండ్ చేశారు.  

ప్రగతి పనుల కోసం ఒక్క రూపాయి నిధులు సాధించలేని చిన్న సైకో ఎమ్మెల్యే ఆర్కే, పన్నుల పేరుతో ప్రజల్ని బాదాలని అధికారులకు టార్గెట్లు విధించడం దారుణమన్నారు. చివరికి ఖాళీ స్థలాలను కూడా వదలకుండా పన్నులు వసూలు చేయాలని అధికారికంగా ఆదేశించడం ఎమ్మెల్యే దోపిడీ బుద్ధికి నిదర్శనమన్నారు. పేదలకు ఒక్క ఇల్లూ కట్టి ఇవ్వలేని చిన్న సైకో నూతక్కి గ్రామంలో ఇళ్లు తొలగించేందుకు ప్రయత్నాలు చెయ్యడం దుర్మార్గమైన చర్యగా పేర్కొన్నారు. బాధితులకు తెలుగుదేశం పార్టీ అండగా ఉండి పోరాడుతుందని హామీ ఇచ్చారు. పన్నుల బాదుడు, ప్రజల బాధలు పోవాలంటే... సైకో ప్రభుత్వం పోయి సైకిల్ సర్కారు రావాలని నారా లోకేశ్ ఈ సందర్భంగా పిలుపునిచ్చారు.



హైకోర్టు జడ్జీల బదిలీలకు గ్రీన్ సిగ్నల్...సిఫార్సు చేసిన సుప్రీంకోర్టు కొలీజియం


దేశలోని హైకోర్టు జడ్జీల బదిలీ ప్రక్రియ మొదలైంది. పలు హైకోర్టుల జడ్జిలను బదిలీ చేయాలని సుప్రీంకోర్టు కొలీజియం సిఫారసు చేసింది. ఏపీ హైకోర్టు న్యాయమూర్తి జస్టిస్ దేవానంద్ ను మద్రాస్ హైకోర్టుకు బదిలీ చేయాలని పేర్కొంది. ఏపీ హైకోర్టుకు చెందిన మరో జడ్జి జస్టిస్ రమేష్ ను అలహాబాద్ హైకోర్టుకు బదిలీ చేయాలని సిఫారసు చేసింది. 

తెలంగాణ హైకోర్టు న్యాయమూర్తి జస్టిస్ లలితను కర్ణాటకు హైకోర్టుకు బదిలీ చేయాలని సుప్రీంకోర్టు కొలీజియం సూచించింది. తెలంగాణ హైకోర్టు జడ్జి జస్టిస్ నాగార్జున్ ను మద్రాస్ హైకోర్టుకు బదిలీ చేయాలని నిర్ణయించింది. తెలంగాణ హైకోర్టు న్యాయమూర్తి జస్టిస్ అభిషేక్ రెడ్డిని పాట్నా హైకోర్టుకు బదిలీ చేయాలని సిఫారసు చేసింది.  అటు, మద్రాస్ హైకోర్టు జడ్జి జస్టిస్ రాజాను రాజస్థాన్ హైకోర్టుకు బదిలీ చేయాలని కొలిజీయం తెలిపింది. మద్రాస్ హైకోర్టుకు చెందిన మరో న్యాయమూర్తి జస్టిస్ వేలుమణిని కలకత్తా హైకోర్టుకు బదిలీ చేయాలని పేర్కొంది.


 గుడ్ షెఫర్డ్ స్కూలు టెర్రస్ పైనుంచి కిందపడి...

విద్యార్థికి గాయాలు, పరిస్థితి విషమం

(జానో జాగో వెబ్ న్యూస్-నంద్యాల జిల్లా ప్రతినిధి)

నంద్యాల జిల్లా స్థానిక నంద్యాల పట్టణంలో ఉన్న గుడ్ షెఫర్డ్ హై స్కూల్ టెర్రస్ మీద నుండి కింద పడిన విద్యార్థికి తీవ్ర గాయాలు, పరిస్థితి విషమం. వివరాల లోకి వెళ్తే అయ్యలూరి మెట్ట గ్రామానికి చెందిన వశీకర్ (11) 5వ తరగతి చదువుతున్న విద్యార్థి స్కూలు టెర్రస్ మీద నుండి కిందపడి తీవ్ర గాయాలయ్యాయి, వెంటనే పాఠశాల సిబ్బంది వశీకర్ ను  నంద్యాల పట్టణంలోని  ఉదయానంద ప్రైవేటు హాస్పిటల్ లో వైద్య చికిత్సలు నిర్వహించారు. అనంతరం మెరుగైన వైద్యం కోసం కర్నూలు ఆస్పత్రికి తరలించారు.



 

 నా చేతికి వాటి పగ్గాలు వస్తే...సంగం మంది బీజేపీ నేతలు జైలులో: అరవింద్ కేజ్రీవాల్


కేంద్రంలోని బీజేపీ సర్కార్ పై ఢిల్లీ సీఎం, ఆమ్ ఆద్మీ పార్టీ అధినేత అరవింద్ కేజ్రీవాల్ తీవ్ర వ్యాఖ్యలు చేశారు. ఇటీవల కాలంలో ఈడీ, ఐటీ, సీబీఐ దాడులు పెరిగిపోవడం పట్ల స్పందించారు. మా నేతలు సత్యేంద్ర జైన్, మనీష్ సిసోడియా అవినీతిపరులట.... కేంద్ర దర్యాప్తు సంస్థలు సీబీఐ, ఈడీలను 24 గంటల పాటు నాకు అప్పగిస్తే బీజేపీలోని సగం మంది నేతలు జైల్లో ఉంటారు అని స్పష్టం చేశారు. 

కేంద్ర దర్యాప్తు సంస్థలన్నీ వారి చేతిలోనే ఉన్నాయని అన్నారు. తమకు వ్యతిరేకంగా అనేక కేసులు పెట్టారని కేజ్రీవాల్ మండిపడ్డారు. మనీష్ సిసోడియా లిక్కర్ స్కాంలో రూ.10 కోట్లు తిన్నాడని అంటున్నారని, వారి చేతుల్లో ఉన్న దర్యాప్తు సంస్థల సాయంతో ఆ విషయం నిరూపించవచ్చు కదా? అని నిలదీశారు. 

ఆప్ నేతలపై 200 కేసులు నమోదు చేసినా, ఒక్కటీ నిరూపించలేకపోయారని స్పష్టం చేశారు. 150 కేసుల్లో తమ నేతలకు క్లీన్ చిట్ వచ్చిందని, మిగిలిన కేసులు పెండింగ్ లో ఉన్నాయని కేజ్రీవాల్ తెలిపారు. ఢిల్లీ మున్సిపల్ కార్పొరేషన్ (ఎంసీడీ) ఎన్నికల ప్రచారంలో భాగంగా ఓ జాతీయ మీడియా సంస్థకు ఇచ్చిన ఇంటర్వ్యూలో కేజ్రీవాల్ ఈ వ్యాఖ్యలు చేశారు.